جۇما, 29 ناۋرىز 2024
46 - ءسوز 6701 0 پىكىر 12 قازان, 2016 ساعات 11:18

اقش پەن رەسەي سوعىسا ما؟

سوڭعى بىرەر ايدا اقش پەن رەسەي اراسى تىم ۋشىعىپ كەتتى. «داۋدىڭ باسى دايرابايدىڭ كوك سيىرى» دەمەكشى ەكى ەل اراسىنا شالا تاستاپ، ۇرلەپ جىبەرگەن سيرياداعى قاقتىعىس.

ەكى  ەلدىڭ  دە  سيريا جەرىندە  وزىندىك مۇددەلەرى  بار.  سودان بولار  ول جەردە  ءجۇرىپ جاتقان  سوعىسقا ءوز مۇددەلەرى  تاراپىنان كيلىگىپ  وتىر. دەگەنمەن  ماسەلە سيرياعادا  تىرەلىپ  تۇرعان جوق. الەمدىك  ليدەرلىككە  تالاسقان  اقش  پەن رەسەي اراسىنداعى تەكەتىرەس  پۋتين رەسەي  بيلىگىنە كەلگەن تۇستان باستالعان. ءدال سول  كەزدەن باستاپ رەسەي  الەمدىك  گەوساياساتتا  كۇش  الا باستادى. الەمنىڭ اقش  كوكسەگىنەندەي  ءبىر  پوليارلى  ەمەس، كوپ  پوليارلى  بولۋىنا كۇش سالدى. بۇل  اق  ۇيگە ۇناعان جوق.  رەتى  كەلسە ۆاشينگتون ماسكەۋدى  اياقتان  شالۋعا تىرىستى. تىعىرىققا  تىرەۋگە ۇمتىلدى.  بۇل ماسەلە  اسىرەسە  2014 جىلى كۇزدە ۋكراينادا  باستالعان  بيلىكتى  تاقتان  تايدىرۋ  كەزىندە  اقش تاراپىنان  ىسكە اسا باستادى. «رەسەي  ۋكراينانىڭ  ىشكى ىسىنە ارالاستى»  دەگەن سىلتاۋمەن  اقش باستاعان باتىس ەلدەرى  رەسەيگە ساياسي-ەكونوميكالىق  سانكتسيا  سالدى. ول  ازداي ساۋد ارابيا  سەكىلدى  مۇنايلى  ەلدەرمەن  وداقتاسا وتىرىپ مۇناي باعاسىن قۇلاتتى.  بۇل  مۇنايدان  بيۋدجەتىن تولتىرىپ  وتىرعان  رەسەي ءۇشىن  ساۋىر  سوققى  ەدى. بىراق  رەسەي  بۇعان  قولدان كەلگەنشە  توتەپ  بەردى. ءتىپتى  قارىمتا  رەتىندە يادرولىق  قارۋىن،  ارمياسىن  كۇشەيتتى. زاماناۋي قارۋ  شىعارۋدى،  ولاردى سوعىس جاعدايىندا  سىناۋدى باستادى.  ماسەلەن  سيريادا رەسەيدىڭ كوپتەگەن جاڭا  قارۋلارى  سىنالىپ  جاتىر. بۇل ءوز  الدىنا  جەكە اڭگىمە، جەكە تاقىرىپ.  ماسەلە  سوڭعى كەزدە الەمدىك  ساراپشىلار  تاراپىنان رەسەي  مەن  اقش  اراسىندا  بولۋى مۇمكىن قاقتىعىس  جونىندە  بولجامدار جاسالا باستادى.  مۇنداي  اڭگىمە  اسكەريلەر اراسىندا  دا  بار. ماسەلەن اقش گەنەرالدارى اقش پەن  رەسەي   مايدان  دالاسىندا كەزدەسىپ  قالۋى مۇمكىن دەگەن جورامال  جاساي  باستادى.  قىسقاسى اقش-تىڭ جوعارى لاۋازىمدى گەنەرالدارى امەريكامەن رەسەيدىڭ اسكەري قاقتىعىسىن اينالىپ ءوتۋ مۇمكىن ەمەس ەكەنىن ايتادى ولاردىڭ ايتۋىنشا، بۇل سوعىس يادرولىق قارۋسىز جانە تەز، سوڭعى 60 جىلداعى ەڭ ءىرى قاقتىعىس بولماق.

گەنەرال-مايور ۋيليام حيكستىڭ سوزىنە سۇيەنسەك، قىتاي مەن رەسەيدىڭ تەحنولوگيالىق جەتىستىكتەرى اق ءۇيدى تىعىرىققا تىرەپ وتىر. مۇنداي تىعىرىقتى اقش كورەي سوعىسىنان بەرى كورمەگەن- دەيدى .

ال اقش-تىڭ شتاب باسشىلارى بىرلەسكەن كوميتەتى توراعاسىنىڭ ورىنباسارى گەنەرال-لەيتەنانت دجوزەف اندەرسون «قازىرگى اگرەسسيۆتىك اسكەري قيمىلدار اقش-تى شاراسىز كۇيگە ءتۇسىرىپ وتىر»، – دەگەندى ايتادى. 

ءوز كەزەگىندە اقش قۇرلىق اسكەرى شتابىنىڭ باسشىسى گەنەرال مارك ميللي اقش رەسەيمەن نەمەسە قىتايمەن كوپ وتپەي سوعىسىپ تىناتىنىن مالىمدەدى. كىم  ءبىلسىن  اقش پەن رەسەي  يا بولماسا  قىتاي مايدان  دالاسىندا  كەزدەسە  قالسا، دۇنيە  نە  بولىپ  كەتەرىن.  ويتكەنى  بۇل اتى اتالعان  ەلدەردىڭ ءبارى  قانجىعاسىنا  يادرولىقوق تۇمسىق بايلاعاندار.  ءبىر ەل  شىدامى  تاۋسىلىپ قىزىل   تۇيمەنى باسىپ  قالسا،  دۇنيە توڭكەرىلدى  دەي  بەر. سوندىقتان   بۇل ەلدەردىڭ  باسشىلارىنىڭ سابىرلىعى،   اشۋدى  اۋىزدىقتاي الۋى كەرەك-اق.

اينۇر  قازىكەنوۆا

"ايقىن" گازەتى

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3555