قر تاۋەلسىزدىگىنىڭ 25 جىلدىق مەرەيتويىنا وراي، «ىرىس» ميكروقارجى ۇيىمى ءوزى ارقىلى قولداۋ تاپقان كاسىپكەرلەر ىشىنەن ەڭ ۇزدىكتەرىن انىقتاۋدى باستادى.

«ۇزدىك جوبا» اتالىمى - «ىرىس» قارجى ۇيىمىنان العان نەسيەنى ماقساتتى پايدالانعان، اي سايىنعى تولەمىن ۋاقىتىلى قايتارىپ وتىرعان جانە وبلىسىمىزدىڭ كاسىپكەرلىك سالاسىن دامىتۋعا ۇلەس قوسىپ، جاڭا جۇمىس ورىندارىنىڭ اشىلۋىنا سەپتىگىن تيگىزىپ وتىرعان 25 كاسىپكەرگە تابىستالادى.

16 جەلتوقسانعا دەيىن جالعاساتىن شارانىڭ ناتيجەسى تۋرالى بارلىق اقپاراتتى جەرگىلىكتى باق پەن «ىرىس» مقۇ-نىڭ الەۋمەتتىك جەلىلەرىندەگى رەسمي پاراقشالارى ارقىلى بىلۋگە بولادى.

ايتا كەتەيىك، جىل باسىنان بەرى «ىرىس» مقۇ ارقىلى 3 266,9 ملن. تەڭگەگە 1499 جوبا قارجىلاندىرىلدى. ونىڭ ىشىندە، كوكتەمگى ەگىن ەگۋ جانە جيناۋ جۇمىستارىنا قۇنى 1 387,9 ملن. تەڭگەنى قۇرايتىن 834 جوبا جۇزەگە اسىرىلسا، مال بورداقىلاۋ الاڭدارىن سالۋ ءۇشىن 1 427,1 ملن. تەڭگەگە 541 جوبا قارجىلاندىرىلدى. سونداي-اق، شاعىن تاۋارلى ءسۇت فەرمالارىن اشۋ ماقساتىندا قۇنى 79,1 ملن. تەڭگەگە 33 جوبا ىسكە قوسىلىپ، باسقا دا قىزمەت تۇرلەرىنە كىرەتىن جوبالارعا قۇنى 372,7 ملن. تەڭگەنى قۇرايتىن 91 جوبا قارجىلاندىرىلدى.

Abai.kz