وڭتۇستىك قازاقستان وبلىسىنىڭ اكىمى جانسەيىت تۇيمەباەۆ وڭىرىمىزگە جۇمىس ساپارىمەن كەلگەن وزبەكستان رەسپۋبليكاسى پرەمەر-ءمينيسترىنىڭ ورىنباسارى ۋ.روزۋكۋلوۆپەن كەزدەسۋ وتكىزدى.  

كەزدەسۋدە ايماق باسشىسى مارتەبەلى مەيماندى ءوڭىردىڭ الەۋمەتتىك-ەكونوميكالىق الەۋەمەتىمەن تانىستىرىپ، ەكىجاقتى ىنتىماقتاستىقتى دامىتۋ جايىن تالقىلادى. قازاق-وزبەك قاتىناسىن جاقسارتىپ، تاۋار اينالىمىن رەتكە كەلتىرۋ بويىنشا كەلىسسوزدەر جۇرگىزىلىپ، ورتاق كەلىسىمگە قول جەتكىزىلدى.

اتالعان كەلىسىمنىڭ شەڭبەرىندە وڭتۇستىك قازاقستان وبلىسىنداعى قوس ەلدىڭ شەكاراسى ماڭىندا ساۋدا ايماعىن قۇرۋ جوسپارلانۋدا.

سونداي-اق، ەكىجاقتى باسقوسۋدا جىل سوڭىنا دەيىن شىمكەنت قالاسىندا وزبەك تاۋاروندىرۋشىلەرىنىڭ كورمەسىن ۇيىمداستىرۋ جونىندە مامىلەگە قول جەتكىزىلىپ، ارنايى جۇمىس توبى قۇرىلاتىن بولدى.

وڭتۇستىك قازاقستان وبلىسىنا ءىسساپارى بارىسىندا ۋ.روزۋكۋلوۆ وبلىستىڭ بيزنەس مۇمكىندىكتەرىمەن تانىستى. اتاپ ايتقاندا، كورشىلەس قوناققا «حيمفارم» اق جانە «Kaz Kioti» جشس-نىڭ تراكتور زاۋىتىنىڭ جۇمىسى كورسەتىلدى. وزبەكستان رەسپۋبليكاسىنىڭ ۆيتسە-پرەمەرى «حيمفارم» اق-نىڭ وندىرىسىنە ءتانتى بولىپ، ءوز ەلىندە مۇنداي دەڭگەيدەگى كاسىپورىننىڭ جوقتىعىن جەتكىزدى. بۇدان بولەك، دەلەگاتسيا قۇرامىندا بولعان وزبەك كاسىپكەرلەرى «Kaz Kioti» جشس-مەن ارىپتەستىك قارىم-قاتىناس ورناتۋعا مۇددەلى ەكەنىنە نيەت ءبىلدىردى.

وزبەكستاندا جاسالعان جۇك كولىكتەرى، ماقتا تەرىم كومبايندارى جانە تۇرمىستىق تەحنيكالاردىڭ كورمەسى وڭتۇستىك قازاقستان وبلىسىنىڭ يندۋستريالدى ايماعىندا كورسەتىلدى.  

وقو اكىمىنىڭ ءباسپاسوز قىزمەتى