بۇگىن شىمكەنت قالاسىندا ء«بىز بىرگەمىز!» قايىرىمدىلىق اكتسياسى ءوتتى. مۇگەدەكتەردىڭ تۇرمىس–تىرشىلىگىن جاقسارتۋ جانە ولارعا كومەكتەسۋ ماقساتىندا ۇيىمداستىرىلعان شارادا وبلىس اكىمى جانسەيىت تۇيمەباەۆ اكتسياعا بەلسەنە قاتىسىپ، دەمەۋشىلىك جاساعان جومارت ازاماتتارعا العىسىن ءبىلدىردى.

«تاعدىرى ەرەكشە ادامدار – ءبىزدىڭ قوعامنىڭ تولىققاندى مۇشەسى. ولاردىڭ كوپشىلىگى تالانتتى، ءبىلىمدى، ىسكەر، ونەرلى جاندار. سوندىقتان ولاردىڭ كوبىسى قاتارداعى ازاماتتان ارتىق بولماسا، قابىلەت جاعىنان تومەن ەمەس. كونستيتۋتسياعا سايكەس مۇمكىندىگى شەكتەۋلى ازاماتتار مەملەكەتتىڭ بارلىق ازاماتتارىمەن تەڭدەي قۇقىقتارى بار. سول سەبەپتەن، ءبىز وسى وتانداستارىمىزعا بارىنشا قولداۋ جاساپ، ۇنەمى جاعدايىن جاقسارتىپ وتىرۋعا ءتيىسپىز»،-دەدى ايماق باسشىسى.

بۇگىنگى ءىس-شاراعا وبلىس پروكۋراتۋراسى ەرەكشە ۇلەس قوسىپ، دەمەۋشلەردى ۇيىمداسترىۋدا بەلسەندى بولىپ، ازاماتتىق  تانىتتى. ۇيىمداستىرۋ شارالارىنىڭ باستاماشىسى بولعان وڭتۇستىك قازاقستان وبلىسىنىڭ پروكۋرورى يبراھيم يمانوۆ بارشا اكتسياعا قاتىسۋشىلارعا العىسىن ءبىلدىرىپ، دەمەۋشىلىك جاساعان ازاماتتارعا وبلىس پروكۋرورى اتىنان العىس حات تابىستادى.

بۇگىنگى تاڭدا وبلىستا 112 مىڭنان استام مۇمكىندىگى شەكتەۋلى ازامات تۇرسا، ولاردىڭ 26,7 مىڭىنىڭ تىرەك-قيمىل اپپاراتتارى بۇزىلعان. ونىڭ ىشىندە 8,5 مىڭى ارنايى ءجۇرىپ-تۇرۋ قۇرالدارىمەن (قول اربادا)قوزعالادى، ال 16,4 مىڭ ازاماتتىڭ كورۋ جانە ەستۋ قابىلەتتەرى جاعىنان مۇگەدەك ازاماتتار.

وسى جىلدىڭ ءساۋىر ايىنان باستاۋ العان ء«بىز بىرگەمىز!» اكتسيا اياسىندا قوعامدىق نىسانداردىڭ 403-نە پاندۋستار سالىنىپ، دىبىس جانە جارىق بەرەتىن 44 باعدارشام ورناتىلدى. ال 51 جەرگە ارنايى جول بەلگىلەرى مەن كورسەتكىشتەرى قويىلدى. سونداي-اق، 13 اۆتوتۇراق سالىنىپ، 1072 جەكە كاسىپكەرلەرمەن 42 ملن. تەڭگەگە مەموراندۋمدار ءتۇزىلدى. وسى اكتسيا شەڭبەرىندە 370 مۇگەدەك ازامات جۇمىسپەن قامتىلدى.

سونىمەن قاتار، وسى كۇنى  دەمەۋشىلەر تاراپىنان ء تورت بي قولارباسى مۇگەدەكتەر سپورت مەكتەبىنە تاپسىرىلسا، 14 ازاماتقا مەديتسينالىق كومەك الۋ ءۇشىن 140 مىڭ تەڭگەلىك  سەرتيفيكاتتار مەن ءدارى دارمەكتەر پاكەتى تاپسىرىلدى.

اتالعان اكتسيا جىل سوڭىنا دەيىن جالعاسىن تاۋىپ، بۇل باعىتتاعى جۇمىستارعا بەلسەنە قاتىسۋ ءۇشىن ۇندەۋ جاريالاندى.

Abai.kz