بۇگىن وڭتۇستىك قازاقستان وبلىسىنىڭ اكىمى جانسەيىت تۇيمەباەۆ ءىرى بەلگيالىق «WILLEMEN Groep NV كومپانياسىنىڭ پرەزيدەنتى يوحان ۆيللەمەن جانە اتالعان كومپانيانىڭ وكىلدەرىن قابىلدادى، - دەپ حابارلايدى اباي-اقپارات وڭتۇستىك قازاقستان وبلىسى اكىمدىگىنىڭ ءباسپاسوز قىزمەتىنە سىلتەمە جاساپ.

وڭتۇستىك قازاقستان وبلىسىنىڭ اكىمى جانسەيىت تۇيمەباەۆ پەن ءىرى بەلگيالىق «WILLEMEN Groep NV كومپانياسىنىڭ پرەزيدەنتى يوحان ۆيللەمەن جانە اتالعان كومپانيانىڭ وكىلدەرىنىڭ 
كەلىسسوزدەر بارىسىندا ءوڭىر ءۇشىن الەۋمەتتىك-ەكونوميكالىق ماڭىزى جوعارى ينۆەستيتسيالىق جوبالار تالقىلاندى. اتاپ ايتقاندا ناتيجەسىندە شىمكەنت قالاسىندا ونكولوگيالىق ورتالىقتىڭ قۇرىلىسى جوباسىن ازىرلەۋ تۋرالى ەكىجاقتى كەلىسىمگە قول قويىلدى. بۇل جوبانىڭ ينۆەستيتسيالىق كولەمى 250 ملن. ەۆرو. ونكولوگيالىق ورتالىقتىڭ قۋاتتىلىعى 350 ورىندىق. سونداي-اق، ىسكەرلىك كەزدەسۋ بارىسىندا، بەلگيالىق ىسكەرلەر سارىاعاش-ماقتارال اۆتوجولىنىڭ قۇرىلىسى جانە شىمكەنت اۋەجايى تەرمينالىن جاڭعىرتۋ قۇرىلىسى جوبالارى بويىنشا جۇمىس ىستەۋگە ءازىر ەكەندىكتەرىن ءبىلدىردى. 

كەزدەسۋ سوڭىندا، ءوڭىرىمىزدىڭ باسشىسى جوبالاردى ءارى قاراي ىسكە اسىرۋ ماقساتىندا جۇمىس توبىن قۇرۋ تۋرالى شەشىم قابىلداندى. 

«WILLEMEN Groep NV» - بەلگيادا كوپتەگەن جىلدار بويى تۇرعىن ءۇي جانە قوعامدىق عيماراتتاردىڭ، اۆتوجولداردىڭ جانە مەديتسينالىق نىسانداردىڭ قۇرىلىسىمەن اينالىسقان كومپانيا بولىپ تابىلادى.

اباي-اقپارات