390 التىن، 384 كۇمىس، 377 قولا مەدال. بۇل وڭتۇستىكقازاقستاندىق سپورتشىلاردىڭ 2016 جىلدىڭ 9 ايىنداعى ەل چەمپيوناتتارى مەن بىرىنشىلىكتەرىندە قانجىعاعا بايلاعان ولجالارى. ال، ازيا چەمپيوناتتارىندا 19  التىن،  15  كۇمىس جانە 19  قولا مەدالگە يە بولدى. الەم چەمپيوناتتارى مەن كۋبوكتارى جايىندا ءسوز قوزعار بولساق، 16  التىن، 8  كۇمىس جانە 7 قولا مەدال جەڭىپ العان. وسىنىڭ بارلىعىن قوسىپ ەسەپتەر بولساق، 9 ايدا ءوڭىر سپورتشىلارىنىڭ قورجىنىنا 1235 مەدال تۇسكەن.

سوڭعى  بەس جىلدا رەسپۋبليكا اۋماعىندا ايرىقشا ابىرويعا يە بولعان «قازاقستان بارىسى» جوباسى اياسىندا ءوتىپ جۇرگەن قازاقشا كۇرەس سپورت تۇرىنەن وڭتۇستىكقازاقستاندىق پالۋانداردىڭ بابى كەلىسكەنىمەن، باعى جانباي جۇرگەن بولاتىن. وسى جىلى 3 شىلدە كۇنى استانا قالاسىندا وتكەن رەسپۋبليكالىق اقتىق سايىستا جەرلەسىمىز جۇمانازار ەرسۇلتانوۆ «قازاقستان بارىسى – 2016» سايىسىنىڭ  2 ورىن يەگەرى اتاندى. ال 2016 جىلدىڭ 5-21 ارالىعىندا XXXI جازعى وليمپيادا ويىندارىندا اۋىر اتلەتيكادان  جازيرا جاپپارقۇل كۇمىس، دزيۋدودان گالبادراح وتگونتسەتسەگتىڭ قولا جۇلدەنى جەڭىپ العانى ۇلكەن جەتىستىك ەسەپتەلەدى.

وڭتۇستىكتىڭ سپورتى جايلى دەرەكتى سويلەتسەك، وڭىردە 32 حالىقارالىق دارەجەدەگى سپورت شەبەرى، 124 قازاقستان رەسپۋبليكاسىنىڭ سپورت شەبەرى جانە 713 سپورت شەبەرىنە ۇمىتكەر دايىندالدى. سپورت تۇرلەرى بويىنشا قازاقستان رەسپۋبليكاسىنىڭ ۇلتتىق قۇراما كومانداسىنىڭ نەگىزگى قۇرامىنا               وڭتۇستىكتەن 411, جاستار قۇراماسىندا 415, جاسوسپىرىمدەر قۇراماسىندا 263, جالپى 1089 سپورتشى بەكىتىلگەن.

Abai.kz