كەشە كەشكىسىن قارجى مينيسترلىگى مەملەكەتتىك كىرىس كوميتەتىنىڭ توراعاسى داۋلەت ەرعوجين facebook  الەۋمەتتىك جەلىسىندەگى «كولەڭكەلى بيزنەسپەن كۇرەس» اشىق توبىندا «قۇرمەتتى دوستار! ءبىز بارلىق الەۋمەتتىك جەلىدەن وففلاينعا كەتىپ جاتىرمىز. جازباشا سۇراق-جاۋاپ تۇرىندە جۇمىس جاسايمىز. تۇسىنىستىك تانىتقاندارىڭىزعا راحمەت!» دەپ جازعان ەدى.

ال، بۇگىن مەملەكەتتىك كىرىس كوميتەتىنىڭ رەسمي وكىلى مۇرات جۇمانبايدان جوعارىداعى ماسەلەنىڭ ءمان-جايىن سۇراپ بىلدىك.

مۇرات جۇمانباي، قارجى مينيسترلىگى مەملەكەتتىك كىرىس كوميتەتىنىڭ رەسمي وكىلى:

- مەملەكەتتىك كىرىس كوميتەتىنىڭ الەۋمەتتىك جەلىلەردەن كەتەمىز دەگەن ويى بولعان. ونىڭ سەبەبى، كەيىنگى كەزدە كوميتەت الەۋمەتتىك جەلىلەردە تىم بەلسەندى بولدى ءارى اقپارات وتە شىقتى. سوندىقتان الەۋمەتتىك جەلىدەگى جۇمىسىمىزدى باسەڭدەتەمىز دەگەن ويىمىز بولدى. بىراق، كوميتەتتىڭ الەۋمەتتىك جەلىدەگى پاراقشالارىنا جازۋشىلاردىڭ پاراقشالاردى جاپپاۋ، ونىڭ اقپاراتتىق اشىقتىق ساياساتىنا قايشى كەلەتىنىن ايتقان كوپتەگەن وتىنىشتەرىنىڭ نەگىزىندە ءبىز باستاپقى ويىمىزدان قايتتىق. ەندىگى جەردە الەۋمەتتىك جەلىدەگى جۇمىستاردى بۇرىنعىداي جۇرگىزىپ، ءاربىر قادامىمىزدى قوعامعا حاباردار ەتىپ وتىرۋىمىز ءۇشىن قوعامدىق ارنالاردىڭ بارلىق تەتىگىن پايدالاناتىن بولامىز. ال، الەۋمەتتىك جەلىلەر تۋرالى اڭگىمەگە باس پروكۋراتۋرانىڭ قاتىسى بار دەگەن ءسوز جاڭساق پىكىر، جالعان ءسوز.

نۇرا ماتاي

Abai.kz