جاقىندا ءوڭىر باسشىسى ب.اتامقۇلوۆ ينۆەستيتسيا تارتۋ ماقساتىندا يران يسلام رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى موتجتابا داميرچيلمەن كەزدەستى.

بۇل تۋرالى "اباي اقپارات" پورتالى وڭتۇستىك قازاقستان وبلىسى اكىمىنىڭ ءباسپاسوز قىزمەتىنە سىلتەمە بەرە وتىرىپ حابارلايدى.

كەزدەسۋدە قوس تاراپ ەكىجاقتى قارىم-قاتىناستى جاقسارتۋ مەن ىسكەرلىك بايلانىس ورناتۋ ماسەلەلەرى جəنە قازاقستاندا جاسالمايتىن تاۋارلاردى ءوندىرۋ ماقساتىندا بىرىككەن كəسىپكەرلىك قۇرۋ جايىن تالقىلادى.

وبلىس اكىمى مارتەبەلى مەيماندى وڭتۇستىك قازاقستان وبلىسىنىڭ ينۆەستيتسيالىق مۇمكىندىكتەرىمەن تانىستىرىپ، يران كومپانيالارىن ارىپتەستىككە شاقىردى. 

مۇنان سوڭ، وبلىس əكىمى مەن ەلشى يراننىڭ حوراسان وبلىسىنىڭ كاسىپكەرلەرى ۇيىمداستىرعان تاۋار وندىرۋشىلەردىڭ كورمەسىنە قاتىستى.

يران كاسىپكەرلەرى قازاقستانعا ەكى ەلدىڭ وڭىرلەرى اراسىنداعى ءتۋريزمدى دامىتۋ ماقساتىندا مەسحەد-شىمكەنت اۋەقاتىناسىن اشۋدى ۇسىندى.

ايتا كەتەيىك، بۇگىنگى كورمەدە يراندىق 97 كاسىپكەر كۇنگەيلىكتەرگە توقىما جانە تاماق ونەركاسىبى، قۇرىلىس، ماشينا جاساۋ سالالارى بويىنشا وندىرگەن ونىمدەرى مەن كىر جۋعىش ۇنتاقتارىن ۇسىنۋدا.

بۇگىنگى تاڭدا يران يسلام رەسپۋبليكاسى قازاقستاننىڭ ستراتەگيالىق ماڭىزدى حالىقارالىق ارىپتەستەرىنىڭ ءبىرى بولىپ تابىلادى.

2015 جىلدىڭ قورىتىندىسى بويىنشا قوس ەل اراسىنداعى ساۋدا-ساتتىق كولەمى 700 ملن. اقش دوللارىنا جەتكەن.

وقو اكىمىنىڭ ءباسپاسوز قىزمەتى