وڭتۇستىك قازاقستان وبلىسىنىڭ باسشىلىعى وڭىرگە ينۆەستيتسيا تارتۋ ماقساتىندا قىرۋار جۇمىستار اتقارۋدا. وبلىس باسشىسى ب.اتامقۇلوۆ جۋىردا يران يسلام رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى موتجتابا داميرچيلمەن كەزدەسۋىندە وسى ماسەلەنى دە تالقىعا سالدى. ەكىجاقتى كەزدەسۋ بارىسىندا قازاقستاندا جاسالمايتىن تاۋارلاردى ءوندىرۋ ماقساتىندا بىرىككەن كəسىپكەرلىك قۇرۋ جايىن تالقىلاندى.

«وبلىس اكىمى مارتەبەلى مەيماندى وڭتۇستىك قازاقستان وبلىسىنىڭ ينۆەستيتسيالىق مۇمكىندىكتەرىمەن تانىستىرىپ، يران كومپانيالارىن ارىپتەستىككە شاقىردى. مۇنان سوڭ، وبلىس əكىمى مەن ەلشى يراننىڭ حوراسان وبلىسىنىڭ كاسىپكەرلەرى ۇيىمداستىرعان تاۋار وندىرۋشىلەردىڭ كورمەسىنە قاتىستى. يران كاسىپكەرلەرى قازاقستانعا ەكى ەلدىڭ وڭىرلەرى اراسىنداعى ءتۋريزمدى دامىتۋ ماقساتىندا مەسحەد-شىمكەنت اۋەقاتىناسىن اشۋدى ۇسىندى جانە وسى ماقساتتا جۇمىستى جانداندىرۋدى قولعا الماق»، - دەپ حابارلايدى وبلىس اكىمدىگىنىڭ ءباسپاسوز قىزمەتى. 

يران يسلام رەسپۋبليكاسى ءبىرشاما ۋاقىتتان بەرى قازاقستاننىڭ ستراتەگيالىق ماڭىزدى حالىقارالىق ارىپتەستەرىنىڭ ءبىرى بولىپ تابىلادى. ماسەلەن، 2015 جىلدىڭ قورىتىندىسى بويىنشا ەكى ەل اراسىنداعى ساۋدا-ساتتىق كولەمى 700 ميلليون اقش دوللارىنا جەتكەن. الداعى ۋاقىتتا بۇل كورسەتكىش ءالى دە كوتەرىلەتىنىنە ەكى جاق تا سەنىمدى.

جوعارىدا اتالعان كورمەدە يراندىق 97 كاسىپكەر توقىما جانە تاماق ونەركاسىبى، قۇرىلىس، ماشينا جاساۋ سالالارى بويىنشا وندىرگەن ونىمدەرى مەن كىر جۋعىش ۇنتاقتارىن ۇسىندى. ءوز كەزەگىندە جەرگىلىكتى كاسىپكەرلەر دە ءوز ونىمدەرىن ۇسىنىپ، ارىپتەستىك بايلانىستار ورناتۋعا ءسوز بايلاستى.  

Abai.kz