ايىپتالۋشىلار ءىستىڭ القا بيلەر سوتى قاراۋىن سۇراعان. بۇل ىستە بەس كۇدىكتى بار. ولاردىڭ بارلىعى ساياساتكەردىڭ ولىمىنە قاتىسى جوقتارىن مالىمدەگەن.

زاۋر داداەۆ، اعايىندى انزور جانە شاديد گۋباشەۆتەر، حامزات باحاەۆ جانە تەمىرلان ەسكەرحانوۆتارعا جالدانىپ كىسى ءولتىردى، قارۋ-جاراقتى زاڭسىز الىپ، قولداندى دەگەن ايىپتار تاعىلعان.

بۇل ايىپتاۋلارعا جابىرلەنۋشى تاراپتىڭ كوڭىلدەرى تولماي وتىر. ولار نەمتسوۆتىڭ ءولىمىن تەرگەۋدە ساياساتكەردىڭ ساياسي جانە قوعامدىق بەلسەندىلىگى ەسكەرىلمەگەنىنە نارازى.

سوتتالۋشىلار اراسىندا تاپسىرىس بەرۋشى مەن قىلمىستى ۇيىمداستىرۋشى جوق. بوريس نەمتسوۆتىڭ قىزى جاننا نەمتسوۆانىڭ ادۆوكاتتارى تەرگەۋ ءساتسىز جۇرگىزىلگەنى ءۇشىن سىن ايتىپ، تەرگەۋ بريگاداسىنىڭ جۇمىسىنا كۇمانمەن قارايدى.