بۇگىن ءوڭىر باسشىسى ب.اتامقۇلوۆ 1 قازان – حالىقارالىق قارتتار كۇنى مەرەكەسىنە وراي، ۇلى وتان سوعىسىنىڭ ارداگەرى سارسەن ءابدىنۇروۆتىڭ شاڭىراعىندا بولىپ، مەرەكەمەن قۇتتىقتادى. بۇل تۋرالى "Abai.kz" پورتالى وقو اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

كەزدەسۋ بارىسىندا وبلىس اكىمى ەلىمىز ەگەمەندىك العان جىلدارى باعىندىرعان بيىكتەرىمىز بەن جەتكەن جەتiستiكتەرiمىز سىزدەردىڭ لايىقتى ەڭبەكتەرىڭىزبەن پايىمدى پاراساتتارىڭىزدىڭ ارقاسى ەكەنىن ايتىپ، وتان ءۇشىن كەۋدەسىن وققا توسىپ، بۇگىنگى ۇرپاققا بەيبىت ءومىر سىيلاعان قارت كىسىگە العىسىن ءبىلدىردى.

ءوز كەزىندە قازىنالى قارت تاۋەلسىزدىك العان 25 جىلدا جاس مەملەكەتىمىز قارقىندى دامىپ جاتقانىن تىلگە تيەك ەتىپ، ەلباسىعا جانە جەرگىلىكتى بيلىك وكىلدەرىنە كورسەتىلىپ جاتقان قۇرمەت پەن قامقورلىقتارىنا ريزاشىلىعىن ءبىلدىردى. 

ايتا كەتەيىك، سارسەن ءابدىنۇروۆ 1922 جىلى تۇلكىباس اۋدانى قيىرباستاۋ اۋىلىندا دۇنيەگە كەلگەن. 1942 جىلى 20 قاڭتاردا ارميا قاتارىنا شاقىرىلىپ، قازالى قالاسىندا 368 قوسالقى پولكتىڭ كومانديرلەر دايىندايتىن كۋرسىن بىتىرگەن. 1943 جىلى قاراشا ايىندا ۋكراينادا، 1943-1944 جىلدارى 823 اتقىشتار پولكىندە بولعان. 1944-1945 جىلدارى ۋكراينا مايدانىندا سوعىستى. 1947 جىلى ەلگە ورالعان. سوعىستا كورسەتكەن ەرلىگى ءۇشىن ۇلى وتان سوعىسىنداعى جەڭىس مەرەيتويىنىڭ مەدالدارىمەن ماراپاتتالعان.

Abai.kz