جۇما, 29 ناۋرىز 2024
كاسىپ-ءتۇبى ءناسىپ 5009 0 پىكىر 1 قازان, 2016 ساعات 12:19

بيزنەس-ومبۋدسمەن: شەنەۋنىككە دە شارا بار

كاسىپكەرلەردىڭ قۇقىعىن قورعاۋ جونىندەگى بيزنەس-ومبۋدسمەننىڭ جەكە قابىلداۋىنا كەلىپ تۇسكەن تاعى ءبىر ءىس وڭ شەشىمىن تاپتى

«كاما-تسەنتر» جشس-عا قاتىستى قاراساي اۋدانى جەر قاتىناستارى ءبولىمىنىڭ تاراپىنان زاڭبۇزۋشىلىقتار انىقتالدى.

كومپانيا بۇرىن «قازمۇنايگاز قايتا وڭدەۋ جانە ماركەتينگ» اق-دان الماتى-بىشكەك تاس جولىنىڭ بويىندا اۆتوجانارماي قۇيۋ ستانتسياسىن جەر تەلىمىمەن قوسا ساتىپ العان. الايدا، كەيىن انىقتالعانداي، كورسەتىلگەن نىسان،  قانداي دا ءبىر قۇرىلىس جۇرگىزۋ مەن قايتا جاڭارتۋ قاراستىرىلماعان كوشەنىڭ قىزىل سىزىق اۋماعىندا ورنالاسقان بولىپ شىعادى. بۇل جاعداي اۋكتسيونعا قويىلعان كەزدە مۇلدەم كورسەتىلمەگەن. ءوتىنىش بەرۋشىنىڭ جەر تەلىمىنىڭ توپوگرافيالىق ءتۇسىرىلىمىن كورسەتۋ تۋرالى سۇراۋىن «قازمۇنايگاز – ءوم» اق ىنتالاندىرماعان.

سونداي-اق، قارالىپ وتىرعان جەر تەلىمىندە، كەشەندى قالا قۇرىلىسىن جوسپارلاۋ جانە الماتى-بىشكەك تاس جولىنىڭ بويىنداعى اۋماقتى ەگجەي-تەگجەيلى جوسپارلاۋ ءۇشىن بەكىتىلگەن جوباعا سايكەس، الماتى-ۇزىناعاش جەر تەلىمىن مەملەكەت مۇقتاجدىعى ءۇشىن يەلىكتەن شىعارۋ جوسپارلانعان. سونىڭ سالدارىنان كومپانيا بيزنەس-ومبۋدسمەنگە جۇگىنۋگە ءماجبۇر بولدى.

كاسىپكەرلەر پالاتاسىنىڭ قاراساي اۋدانى اكىمدىگىنە جۇگىنۋى وڭ ناتيجە بەردى. سەرىكتەستىككە تيەسىلى جەر تەلىمىن تارتىپ الۋعا جول بەرىلمەيتىنى انىقتالدى. الايدا، كاسىپكەرگە جەر تەلىمدەرىن يەلىكتەن شىعارۋ جوسپارىنىڭ كوشىرمەسى سول بويى كورسەتىلگەن جوق.

«قازاقستان رەسپۋبليكاسىنىڭ «ۇلتتىق كاسىپكەرلەر پالاتاسى تۋرالى» زاڭىنىڭ 5-باپ 4-تارماعىنا سايكەس، كوممەرتسيالىق، بانكتىك جانە زاڭمەن قورعالاتىن وزگە دە قۇپيانى قۇرايتىن مالىمەتتەردى قوسپاعاندا، مەملەكەتتىك ورگاندار ۇلتتىق پالاتانىڭ سۇراۋ سالۋى بويىنشا قازاقستان رەسپۋبليكاسى كاسىپكەرلەرىنىڭ قۇقىقتارى مەن مىندەتتەرىن قوزعايتىن اقپاراتتى قازاقستان رەسپۋبليكاسىنىڭ زاڭناماسىندا كوزدەلگەن تارتىپپەن ۇسىنۋعا مىندەتتى. سونداي-اق «اقپاراتقا قول جەتكىزۋ تۋرالى» زاڭىندا اقپاراتقا قول جەتكىزۋ قۇقىعى تەك زاڭدارمەن جانە كونستيتۋتسيالىق قۇرىلىستى قورعاۋ، قوعامدىق ءتارتىپتى، ادامنىڭ قۇقىقتارى مەن بوستاندىقتارىن، حالىقتىڭ دەنساۋلىعى مەن يماندىلىعىن ساقتاۋ ماقساتىندا قاجەتتى شامادا عانا شەكتەلۋى مۇمكىن. كەلتىرىلگەن ءمان-جايلارعا قاراماستان، مەملەكەتتىك ورگاندارعا جەر تەلىمدەرىن يەلىكتەن شىعارۋ جوسپارى تۋرالى سۇراۋ سالىنعان اقپارات بەرىلگەن جوق»، – دەدى كاسىپكەرلەر پالاتاسى كاسىپكەرلەر قۇقىن قورعاۋ مەن اكىمشىلىك كەدەرگىلەردى ازايتۋ ءبولىمىنىڭ ساراپشىسى دياس وتاشباەۆ.

پالاتا قاجەتتى اقپاراتتاردى كورسەتپەگەنى ءۇشىن پروكۋراتۋرا ورگاندارىنا جۇگىندى. جۇرگىزىلگەن تەكسەرۋلەر ناتيجەسىندە باقىلاۋ ورگانى زاڭبۇزۋشىلىقتى انىقتادى. وسىعان وراي قاراساي اۋدانى اكىمىنىڭ اتىنا، جەر قاتىناستارى ءبولىمىنىڭ لاۋازىمدى تۇلعالارىن تارتىپتىك جاۋاپكەرشىلىككە تارتۋ تۋرالى پروكۋرورلىق جاۋاپ قاتۋ اكتىسى ەنگىزىلدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616