وسكەمەن. 6 قىركۇيەك. قازتاگ - ءادىل ورمانوۆ. وسكەمەندە دۇيسەنبى كۇنى قازاقستان مەن رەسەيدىڭ وڭىرارالىق ىنتىماقتاستىعىنىڭ VII-ءشى فورۋمى ءوز جۇمىسىن باستايدى. قازىرگى وتەتىن كەزدەسۋدىڭ تاقىرىبى - «تۇراقتى دامۋ مەن جوعارى تەحنودلوگيالار سالاسىنداعى ىنتىماقتاستىق». سەيسەنبى كۇنى القا وتىرىسىندا قر پرەزيدەنتى نۇرسۇلتان نازارباەۆ پەن رف پرەزيدەنتى دميتري مەدۆەدەۆ قاتىسادى.

قر ەكونوميكالىق دامۋ جانە ساۋدا مينيسترلىگىنىڭ ءباسپاسوز قىزمەتىنەن قازتاگ-قا حابارلاعانداي، فورۋمنىڭ نەگىزگى تاقىرىبى تۇرعىنۇي-كوممۋنالدىق شارۋاشىلىققا (تكش) يننوۆاتسيالاردى ەنگىزۋ، اگروونەركاسىپتىك كەشەندى، تۋريستىك سالانى، كولىك ينفراقۇرىلىمدى، عىلىم مەن تەحنولوگيانى دامىتۋ، اتوم قۋاتى مەن ونەركاسىبى سالاسىنداعى پەرسپەكتيۆالاردى تالقىلاۋ بولماقشى. بۇل ماسەلەلەر ەكى ەلدىڭ بيزنەس-قاۋىمداستىعى، عىلىم مەن جەتەكشىلىك ەتەتىن مينيسترلىكتەرىنىڭ وكىلدەرىنىڭ قاتىسۋىمەن تاقىرىپتىق القا وتىرىسىتارىندا تالقىلاناتىن بولادى. سونداي-اق قر قۇرىلىس جانە تكش ىستەرى جونىندەگى اگەنتتىك پەن رەسەيلىك «تكش-ءتى رەفورمالاۋعا كومەك كورسەتۋ قورى» مەملەكەتتىك كومپانيانىڭ بىرلەسىپ ۇيىمداستىرعان «تكش-تە يننوۆاتسيالار مەن قۋات ۇنەمدەگىش تەحنولوگيالاردى ەنگىزۋ. مەملەكەتتىك-جەكە مەنشىك سەرىكتەستىكتى دامىتۋدىڭ پرەسپەكتيۆاسى» اتتى كونفەرەنتسيا وتەدى.

وسكەمەن. 6 قىركۇيەك. قازتاگ - ءادىل ورمانوۆ. وسكەمەندە دۇيسەنبى كۇنى قازاقستان مەن رەسەيدىڭ وڭىرارالىق ىنتىماقتاستىعىنىڭ VII-ءشى فورۋمى ءوز جۇمىسىن باستايدى. قازىرگى وتەتىن كەزدەسۋدىڭ تاقىرىبى - «تۇراقتى دامۋ مەن جوعارى تەحنودلوگيالار سالاسىنداعى ىنتىماقتاستىق». سەيسەنبى كۇنى القا وتىرىسىندا قر پرەزيدەنتى نۇرسۇلتان نازارباەۆ پەن رف پرەزيدەنتى دميتري مەدۆەدەۆ قاتىسادى.

قر ەكونوميكالىق دامۋ جانە ساۋدا مينيسترلىگىنىڭ ءباسپاسوز قىزمەتىنەن قازتاگ-قا حابارلاعانداي، فورۋمنىڭ نەگىزگى تاقىرىبى تۇرعىنۇي-كوممۋنالدىق شارۋاشىلىققا (تكش) يننوۆاتسيالاردى ەنگىزۋ، اگروونەركاسىپتىك كەشەندى، تۋريستىك سالانى، كولىك ينفراقۇرىلىمدى، عىلىم مەن تەحنولوگيانى دامىتۋ، اتوم قۋاتى مەن ونەركاسىبى سالاسىنداعى پەرسپەكتيۆالاردى تالقىلاۋ بولماقشى. بۇل ماسەلەلەر ەكى ەلدىڭ بيزنەس-قاۋىمداستىعى، عىلىم مەن جەتەكشىلىك ەتەتىن مينيسترلىكتەرىنىڭ وكىلدەرىنىڭ قاتىسۋىمەن تاقىرىپتىق القا وتىرىسىتارىندا تالقىلاناتىن بولادى. سونداي-اق قر قۇرىلىس جانە تكش ىستەرى جونىندەگى اگەنتتىك پەن رەسەيلىك «تكش-ءتى رەفورمالاۋعا كومەك كورسەتۋ قورى» مەملەكەتتىك كومپانيانىڭ بىرلەسىپ ۇيىمداستىرعان «تكش-تە يننوۆاتسيالار مەن قۋات ۇنەمدەگىش تەحنولوگيالاردى ەنگىزۋ. مەملەكەتتىك-جەكە مەنشىك سەرىكتەستىكتى دامىتۋدىڭ پرەسپەكتيۆاسى» اتتى كونفەرەنتسيا وتەدى.

فورۋم اياسىندا قازاقستان رەسەي تاۋار وندىرۋشىلەرىنىڭ «تۇرعىنۇي كوممۋنالدىق شارۋاشىلىقتاعى يننوۆاتسيالىق تەحنولوگيالار» مەن «شىعىس قازاقستان وبلىسىنىڭ كاسىپورىندارى» تاقىرىبىنداعى كورمەلەرى وتەدى. فورۋمدا بارلىعى 800-دەن استام ادام قاتىسادى، كورمەلەرگە قازاقستاندىق 53 جانە رەسەيلىك 70 كاسىپورىن قاتىسادى.

شارا اياقتالعان سوڭ مەموراندۋمدارعا، ىنتىماقتاستىق تۋرالى كەلىسىمگە جانە ناقتى جوبالار بويىنشا كەلىسىمشارتتارعا قول قويۋ جوسپارلانۋدا.

ولاردىڭ اراسىنداعى باسىمدارىنىڭ ءبىرى - ورال وزەنىنە قاتىستى بىرلەسكەن حالىقارالىق قور قۇرۋدى قاراستىراتىن ترانشەكارالىق سۋ نىساندارىن بىرلەسە پايدالانۋ مەن ساقتاۋ جونىندەگى ۇكىمەتارالىق كەلىسىم. ساراپشىلاردىڭ مالىمەتتەرىنشە بۇل وزەننىڭ سۋ اعىمى جىل سايىن ازايىپ بارا جاتىر. بۇل قازاقستاننىڭ باتىس ءوڭىرىنىڭ ەكونوميكاسىنا دا، سونداي-اق وزەننىڭ تومەنگى ساعاسى مەن كاسپيدىڭ سولتۇستىك بولىگىنىڭ ەكولوگياسىنا تەرىس اسەر ەتۋى مۇمكىن.

ودان باسقا، يماشەۆ ترانسشەكارالىق گازكوندەنساتتىق كەنىشىن بىرلەسە بارلاۋ مەن گەولوگيالىق زەرتتەۋ بويىنشا قول قويىلاتىن كەلىسىمشارت دايىندالۋدا. بۇل ەكى مەملەكەتتىڭ دە تەرريتورياسىندا ورنالاسقان  يگەرىلمەكشى بولىپ جاتقان گازكوندەنساتتىق كەنىش.  يماشەۆ گازكوندەنساتتىق كەنىش رەسەيلىك استراحان وبلىسى مەن قازاقستاندىق اتىراۋ وبلىستارىنىڭ توعىسىندا ورنالاسقان. ونىڭ قورى 128,7 ملرد تەكشە مەتر گاز بەن 20,7 ملن توننا گاز كوندەنساتى دەپ باعالانىپ وتىر.

فورۋم ءوزىنىڭ جۇمىسىن سەيسەنبى كۇنى، 7-ءشى قىركۇيەكتە كەشكىسىن اياقتايدى.

قر ەكونوميكالىق دامۋ جانە ساۋدا مينيسترلىگىنىڭ ءباسپاسوز قىزمەتىنىڭ تاراتقان اقپاراتتىق باياندا اتاپ كورسەتىلگەندەي، «فورۋم قازاقستان مەن رەسەي كاسىپورىندارىنىڭ تىعىز ىسكەرلىك قارىم-قاتىناسىن قالپىنا كەلتىرۋگە، ونەركاسىپتە رەسۋرستاردى ۇنەمدەۋدىڭ، تابيعاتتى ايالايتىن الەمدىك تەحنولوگيالارىن پايدالانۋ ارقىلى ەكولوگيالىق ساياساتتىڭ قالىپتاسۋىنا، بيزنەس پەن بيلىكتىڭ ەكونوميكالىق ورلەۋدە، ەكونوميكانىڭ باسەكەلەستىك پەن حالىقتىڭ ءال-اۋقاتىن كوتەرۋدى قامتاماسىز ەتۋدە سىندارلى ىنتىماقتاستىعى جونىندەگى ماسەلەلەردى شەشۋدە سەپتىگىن تيگىزەدى».

ەسكە سالساق، قازاقستان مەن رەسەي پرەزيدەنتتەرىنىڭ قاتىسۋىمەن شەكارا ارالىق وڭىرلەرىنىڭ باسشىلارىنىڭ العاشقى فورۋمى 2003-ءشى جىلى ومبىدا وتكەن. ەكىنشىسى 2005-شى جىلى مامىردا چەيابىدە، ءۇشىنشىسى - 2006-شى جىلى ورالدا، ءتورتىنشىسى - 2007-ءشى جىلى قازاندا ءنوۆوسىبىر وبلىسىندا، بەسىنشىسى - 2008-ءشى جىلى قىركۇيەكتە اقتوبە وبلىسىندا، التىنشىسى - 2009-شى جىلى قىركۇيەكتە ورىنبوردا ءوتتى. ورىنبور فورۋمىنىڭ قورىتىندىسىندا ەكىباستۇز ماەس-2-ءنىڭ ءۇشىنشى بلوگىنىڭ قۇرىلىسى مەن پايدالانۋى تۋرالى; رەسەي-قازاقستان شەكاراسىنداعى بىرلەسكەن باقىلاۋ تۋرالى; اسكەري-تەحنيكالىق سالاداعى ىنتىماقتاستىق باعدارلاماسىن ازىرلەپ جانە ىسكە اسىرۋ تۋرالى  ماڭىزدى كەلىسىمشارتتارعا قول قويىلعان.