قاسيەتتى رامازان ايىندا «قازگيدرومەت» مەكەمەسى شاماسى 85 جىلدىق تاريحىندا جاساپ كورمەگەن بولجامىن جاريا ەتتى. اتالمىش مەكەمەنىڭ باس ديرەكتورىنىڭ ورىنباسارى انارگۇل قالەلوۆا «1-2 جەلتوقسان ارالىعىندا استانادا وتەتىن ەقىۇ سامميتىنە قاتىستى ايتارىم: اۋا-رايى قۇبىلمالى بولادى، الايدا سۋىق قىسپايدى. قۇلاق ۇسىتەتىندەي اياز بولمايدى دەپ كۇتەمىز»، - دە-ە-ەپ، جاستاردىڭ تىلىمەن ايتقاندا «پريكول تاستادى».

بۇنىڭ الدىن-الا بولجاۋ ەكەنىن دە بىلەمىز، بىراق ءبىزدىڭ سينوپتيكتەردىڭ "اسپان كانتسەليارياسىنان" كەلىسىم الىپ كەلگەندەي سەنىمىنە قايران قالاسىڭ ... الدە قايبىر اپەرباقاننان «ءسامميتتى وتكىزۋ كەزىندە جىلى اۋا، بۇلتسىز اسپانمەن قامتاماسىز ەتىڭدەر! جاۋاپتىلار (اتى-ءجونى؟), اتقارۋشىلار (اتى-ءجونى؟)... بولماسا، جازالايمىن!» دەگەندەي، بۇيرىق ءتۇسىپ پە ەكەن؟ قىسقاسى، «قازگيدرومەتكە» توقسان كۇننەن سوڭ بولاتىن تويعا بولجام ايتاتىنداي باستارىنا نە كۇن تۋدى ؟ بىلايعا جۇرتقا مۇنىڭ ءبارى - قوعامداعى مارازمنىڭ بەيقيسىندىق مودەلى. تاپ وسىلاي تاقىلداپ تۇرماسا دا، وسى حاباردى ەستىگەندە، تىستەنىپ تۇرىپ، «ىرق» ەتىپ كۇلەدى.

قاسيەتتى رامازان ايىندا «قازگيدرومەت» مەكەمەسى شاماسى 85 جىلدىق تاريحىندا جاساپ كورمەگەن بولجامىن جاريا ەتتى. اتالمىش مەكەمەنىڭ باس ديرەكتورىنىڭ ورىنباسارى انارگۇل قالەلوۆا «1-2 جەلتوقسان ارالىعىندا استانادا وتەتىن ەقىۇ سامميتىنە قاتىستى ايتارىم: اۋا-رايى قۇبىلمالى بولادى، الايدا سۋىق قىسپايدى. قۇلاق ۇسىتەتىندەي اياز بولمايدى دەپ كۇتەمىز»، - دە-ە-ەپ، جاستاردىڭ تىلىمەن ايتقاندا «پريكول تاستادى».

بۇنىڭ الدىن-الا بولجاۋ ەكەنىن دە بىلەمىز، بىراق ءبىزدىڭ سينوپتيكتەردىڭ "اسپان كانتسەليارياسىنان" كەلىسىم الىپ كەلگەندەي سەنىمىنە قايران قالاسىڭ ... الدە قايبىر اپەرباقاننان «ءسامميتتى وتكىزۋ كەزىندە جىلى اۋا، بۇلتسىز اسپانمەن قامتاماسىز ەتىڭدەر! جاۋاپتىلار (اتى-ءجونى؟), اتقارۋشىلار (اتى-ءجونى؟)... بولماسا، جازالايمىن!» دەگەندەي، بۇيرىق ءتۇسىپ پە ەكەن؟ قىسقاسى، «قازگيدرومەتكە» توقسان كۇننەن سوڭ بولاتىن تويعا بولجام ايتاتىنداي باستارىنا نە كۇن تۋدى ؟ بىلايعا جۇرتقا مۇنىڭ ءبارى - قوعامداعى مارازمنىڭ بەيقيسىندىق مودەلى. تاپ وسىلاي تاقىلداپ تۇرماسا دا، وسى حاباردى ەستىگەندە، تىستەنىپ تۇرىپ، «ىرق» ەتىپ كۇلەدى.

ەستەرىڭىزدە بولسا، ەكىنشى تامىزدا ورىس پاتريارحى كيريلل الاقانىن جايىپ جىبەرىپ، قۇدايدان جاۋىن سۇراعان. اپشىسىن اپتاپ قۋىرعان رەسەيدىڭ القابىنا كوزدىڭ جاسىنداي دا تامشى تۇسپەدى. سونىمەن نە كەرەك، كورشىمىزدىڭ كاززاپ جۋرناليستەرىنەن ساياساتكەرلەرىنە دەيىن كيريللدىڭ تاقۋالىعىنا كۇمان كەلتىرىپ، ونىڭ «اسپانعا فاكس جولداۋى» شىنايى بولمادى-اۋ دەپ شىجعىردى. قورىقساق، سول كيريللدىڭ باسىنداعى كەپتى قالەلوۆا كيمەسە ەكەن دەپ قورقاسىڭ... ال، ازىرگە انارگۇل حانىم «نە ايتتىم وسى؟» دەپ، ويلانا ءجۇرسىن.

سامميت تە، جەلتوقسان دا كەلىپ قالار. اسىعا كۇتۋدەمىز...

"اباي-اقپارات"