كەشەدەن بەرى ەلىمىزدىڭ سولتۇستىك وبلىستارىنان سۋىت حابارلار كەلىپ تۇسۋدە. پاۆلودار وبلىسىنىڭ ورمانشىلىقتارىندا بولعان ءىرى ورتتەر ناتيجەسىندە قازاقستاننىڭ 5 ازاماتى مەرت بولىپتى. بىرنەشە وبلىستىڭ ورماندارى مەن دالالى القاپتارى ورتكە ورانىپ جاتىر دەپ حابارلايدى قازاق اقپارات اگەنتتىگى.

اقپارات اگەنتتىگىنىڭ حابارلاۋىنشا، قىركۇيەكتىڭ 8-ءى كۇنى 11 ساعات 25 مينۋتتا شارباقتى اۋدانى، «ەرتىس-ورمانى» مەملەكەتتىك ورمان تابيعي رەزەرۆاتى» مەملەكەتتىك مەكەمەسىنىڭ شالداي فيليالىنا قاراستى پەرۆومايسكي ورمانشىلىعىندا ءورت بولدى. اۋماعى 1 مىڭ گەكتاردى قۇراعان جالىن رەسەي فەدەراتسياسىنىڭ اۋماعىنا دا وتكەن. ناتيجەسىندە بايىمبەت اۋىلىنىڭ 25 تۇرعىنى شوقتال اۋىلىنا كوشىرىلدى. توتەنشە جاعدايدى جويۋمەن پاۆلودار وبلىسى بويىنشا تجد-نىڭ 71 ادامى مەن 16 تەحنيكاسى، سونداي-اق پەرۆومايسكي ورمانشىلىعىنىڭ 68 ادامى مەن 25 تەحنيكاسى جانە جەرگىلىكتى 120 تۇرعىن اينالىستى.

بۇدان كەيىن، تۇسكى ساعات 15.25-تە «ەرتىس-ورمانىنىڭ» بەسقاراعاي فيليالىنداعى كوكجال ورمانشىلىعىندا ءورتتىڭ ەكىنشى وشاعى انىقتالدى. ونىڭ اۋماعى 2 مىڭ گا قۇرادى. جاباعالى اۋدانىنان شىعىس قازاقستان وبلىسىنىڭ بەگەن اۋىلىنا 174 ادام كوشىرىلدى. ءتىلسىز جاۋ سالدارىنان 19, 33 جانە 51 جاستاعى ازاماتتار وقيعا ورنىندا كوز جۇمدى. 46 جانە 59 جاستاعى ەرلەر ورتپەن كۇرەسۋ بارىسىندا اجال قۇشتى. 56 جاستاعى تاعى ءبىر ازاماتشا كۇيىك جاراقاتتارىمەن اۋرۋحاناعا جەتكىزىلدى.

كەشەدەن بەرى ەلىمىزدىڭ سولتۇستىك وبلىستارىنان سۋىت حابارلار كەلىپ تۇسۋدە. پاۆلودار وبلىسىنىڭ ورمانشىلىقتارىندا بولعان ءىرى ورتتەر ناتيجەسىندە قازاقستاننىڭ 5 ازاماتى مەرت بولىپتى. بىرنەشە وبلىستىڭ ورماندارى مەن دالالى القاپتارى ورتكە ورانىپ جاتىر دەپ حابارلايدى قازاق اقپارات اگەنتتىگى.

اقپارات اگەنتتىگىنىڭ حابارلاۋىنشا، قىركۇيەكتىڭ 8-ءى كۇنى 11 ساعات 25 مينۋتتا شارباقتى اۋدانى، «ەرتىس-ورمانى» مەملەكەتتىك ورمان تابيعي رەزەرۆاتى» مەملەكەتتىك مەكەمەسىنىڭ شالداي فيليالىنا قاراستى پەرۆومايسكي ورمانشىلىعىندا ءورت بولدى. اۋماعى 1 مىڭ گەكتاردى قۇراعان جالىن رەسەي فەدەراتسياسىنىڭ اۋماعىنا دا وتكەن. ناتيجەسىندە بايىمبەت اۋىلىنىڭ 25 تۇرعىنى شوقتال اۋىلىنا كوشىرىلدى. توتەنشە جاعدايدى جويۋمەن پاۆلودار وبلىسى بويىنشا تجد-نىڭ 71 ادامى مەن 16 تەحنيكاسى، سونداي-اق پەرۆومايسكي ورمانشىلىعىنىڭ 68 ادامى مەن 25 تەحنيكاسى جانە جەرگىلىكتى 120 تۇرعىن اينالىستى.

بۇدان كەيىن، تۇسكى ساعات 15.25-تە «ەرتىس-ورمانىنىڭ» بەسقاراعاي فيليالىنداعى كوكجال ورمانشىلىعىندا ءورتتىڭ ەكىنشى وشاعى انىقتالدى. ونىڭ اۋماعى 2 مىڭ گا قۇرادى. جاباعالى اۋدانىنان شىعىس قازاقستان وبلىسىنىڭ بەگەن اۋىلىنا 174 ادام كوشىرىلدى. ءتىلسىز جاۋ سالدارىنان 19, 33 جانە 51 جاستاعى ازاماتتار وقيعا ورنىندا كوز جۇمدى. 46 جانە 59 جاستاعى ەرلەر ورتپەن كۇرەسۋ بارىسىندا اجال قۇشتى. 56 جاستاعى تاعى ءبىر ازاماتشا كۇيىك جاراقاتتارىمەن اۋرۋحاناعا جەتكىزىلدى.

كەشقۇرىم، ساعات 17.30-دا وسى بەسقاراعاي فيليالىنا قاراستى مايقاراعاي ورمانشىلىعىندا ءورتتىڭ ءۇشىنشى وشاعى شىقتى. ول جەرگىلىكتى حالىقتىڭ كۇشىمەن 17 ساعات 50 مينۋتتا اۋىزدىقتالدى.

ايماقارالىق سيپاتتاعى ورماندى-دالالى ورتتەردى جويۋ جوسپارىنا سايكەس، وتپەن كۇرەسۋگە جاقىن ماڭدا ورنالاسقان وڭىرلەردەن قر تجم-نىڭ قۇرىلىمدارى، اۆياتسياسى («قازاۆياسپاستىڭ» 2 تىكۇشاعى) مەن رەسەي فەدەراتسياسىنىڭ اۆياتسيالىق توبى سونداي-اق، «قازاقستان تەمىر جولىنىڭ» ءۇش ءورت پويىزى (43 ادام) مەن 2 تەحنيكاسى; قر ءىىم-ءنىڭ 293 ادامى (سونىڭ ىشىندە 190 اسكەري قىزمەتكەرلەر) مەن 8 تەحنيكاسى; قر قورعانىس مينيسترلىگىنىڭ 157 ادامى مەن 9 تەحنيكاسى جانە 2 تىكۇشاعى اتتاندىرىلدى.

كەشە قاراعاندى وبلىسى وساكاروۆكا اۋدانىنداعى قۇرقوپا اۋىلىندا 500 گا دالالى القاپ ورتكە ورانىپتى. قر تجم-نىڭ اقپاراتىنا سايكەس، وت سارسەنبى، قىركۇيەكتىڭ 8-ءى كۇنى 11 ساعات 20 مينۋتتا شىققان. ابىروي بولعاندا قۇرباندار مەن زارداپ شەككەندەر جوق. ءتىلسىز جاۋ وبلىس بويىنشا تجد ورتكە قارسى قىزمەتىنىڭ 4 ادامى مەن 1 تەحنيكاسىنىڭ جانە جەرگىلىكتى 30 تۇرعىن مەن ولاردىڭ 4 تەحنيكاسىنىڭ كۇشىمەن 20.08-دە توقتاتىلىپ، ەكى ساعاتتان كەيىن تولىعىمەن اۋىزدىقتالدى.

قىركۇيەكتىڭ 9-ى، تۇڭگى ساعات 2.10-دا قاراعاندى وبلىسىندا سونداي-اق، ۇلىتاۋ اۋدانى، اقتاس اۋىلدىق وكرۋگىنە قاراستى اقتاس اۋىلىنىڭ ماڭىنداعى دالالى جەردە وسىدان ەكى كۇن بۇرىن تۇتانعان ءورت تولىعىمەن جويىلدى. وعان وبلىس بويىنشا تجد ورتكە قارسى قىزمەتىنىڭ 5 ادامى مەن 1 تەحنيكاسى، جەرگىلىكتى 17 تۇرعىن مەن 7 تەحنيكا جۇمىلدىرىلدى.

سارسەنبى كۇنى پاۆلودار وبلىسىنىڭ ورمانشىلىقتارىندا بولعان ورتتەر شىعىس قازاقستاننىڭ ورماندارىنا جايىلدى. ءورت قىركۇيەكتىڭ 8-ءى كۇنى كەشقۇرىم، بەسقاراعاي اۋدانى، «سەمەي ورمانى» مەملەكەتتىك ورمان تابيعي رەزەرۆاتى»  مەكەمەسىنىڭ جاڭا-سەمەي فيليالىنا قاراستى بەگەنەۆ ورمانشىلىعىنىڭ پاۆلودار وبلىسىنا تاياۋ دالالى القابىندا بولدى. جالىننىڭ شارپىعان اۋماعى 400 گا قۇرادى. سالدارىنان جاندوس اۋىلىنان بەگەن اۋىلىنا 64 ادام، سونداي-اق وسى اۋىلعا پاۆلودار وبلىسىنىڭ جاباعالى اۋىلىنان 174 ادام كوشىرىلدى.

توتەنشە جاعدايدى جويۋعا شقو بويىنشا تجد-نىڭ جەكە قۇرامداعى 82 ادامى مەن 21 تەحنيكاسى، جەرگىلىكتى 83 تۇرعىن مەن ولاردىڭ 23 تەحنيكاسى جۇمىلدىرىلدى.

«اباي-اقپارات»