جۇما, 29 ناۋرىز 2024
جاڭالىقتار 3837 0 پىكىر 1 جەلتوقسان, 2016 ساعات 12:28

اۋىل شارۋاشىلىعى ءونىمىن وندىرۋدە جوعارى ناتيجە - ارىستا

«التىن كۇز - 2016» جانە «قالا كۇنى» مەرەيلى مەرەكەسىن ارىستىقتار سالتاناتتى تۇردە اتاپ ءوتتى، دەپ حابارلايدى قازاقپارات وڭتۇستىك قازاقستان وبلىسى اكىمدىگىنىڭ ءباسپاسوز قىزمەتىنە سىلتەمە جاساپ. 

ەلىمىزدەگى ايشىقتى وقيعانىڭ ءبىرى ەسەلى ەڭبەك ەتكەن دالا ەڭبەككەرلەرىنىڭ كۇنى. جىل سايىن كۇزدە شارۋالاردىڭ الا جازداي ەتكەن ەڭبەگىنىڭ جەمىسىن ايشىقتايتىن «التىن كۇز» مەرەكەسى تويلانىپ، ديقاندار قوشەمەتكە بولەنەدى. وسىناۋ «التىن كۇز - 2016» جانە «قالا كۇنى» مەرەيلى مەرەكەسىن ارىستىقتار سالتاناتتى تۇردە اتاپ ءوتتى. قوس مەرەكە اياسىندا اۋىل شارۋاشىلىعى جارمەڭكەسى ۇيىمداستىرىلىپ، ونىمدەر تۇرعىندارعا نارىق باعاسىنان 20-30 پايىزعا تومەن باعادا ۇسىنىلدى.

مەرەكەلىك شاراعا قاتىسقان قالا اكىمى مۇرات قادىربەك شارۋالاردىڭ وندىرگەن ونىمدەرىن كورىپ، تۇتىنۋشىلارمەن جۇزدەستى. اتالعان جارمەڭكەدە اقشاڭقان كيىز ۇيلەر تىگىلىپ، اۋىل ەڭبەككەرلەرى وندىرگەن ونىمدەردەن ۇلتتىق تاعامدار ازىرلەندى. جارمەڭكە قالالىق مادەنيەت ۇيىندە سالتاناتتى جيىنعا جالعاستى. 

سالتاناتتى شارا بارىسىندا شاھار باسشىسى مۇرات بولاتۇلى مەرەكەگە وراي تۇرعىندارعا ىزگى تىلەگىن ءبىلدىرىپ، ەلباسىنىڭ تاپسىرمالارىمەن مەملەكەتتىك باعدارلامالاردى ىسكە اسىرۋدا، ارىس قالاسىنىڭ جاڭارىپ، گۇلدەنۋىنە، الەۋمەتتىك ەكونوميكالىق دامۋىنا ەرەكشە ۇلەس قوسقان ازاماتتارعا «ارىس قالاسىنىڭ قۇرمەتتى ازاماتى»، تاۋەلسىز قازاقستاننىڭ 25 جىلدىعىن تولاعاي تابىستارمەن قارسى الىپ، ەلىمىزدىڭ ەن بايلىعىن تاسقىنداتۋعا ەرەن ەڭبەكتىڭ ۇلگىسىن كورسەتكەن دالا ەڭبەككەرلەرىنە «ەڭبەك داڭقى» بەلگىسىمەن، العىس حات جانە قۇرمەت گراموتاسىمەن ماراپاتتاپ، باعالى سىيلىقتار تابىس ەتتى. 

اۋىل شارۋاشىلىعى ءونىمىن وندىرۋدە جوعارى ناتيجە كورسەتكەنى ءۇشىن «التىن كۇز-2016» جەڭىمپازى مونتايتاس اۋىلدىق وكرۋگى اكىمدىگىنە «نيۆا» اۆتوكولىگىنىڭ كىلتى سالتاناتتى جاعدايدا تابىس ەتىلدى. سونداي-اق تاۋەلسىزدىكتىڭ 25 جىلدىعىنا ارنالعان قالالىق «مادەنيەتىم ماقتانىشىم» ونەر فەستيۆالىندە قالا، اۋىل ونەرپازدارى وزدەرىنىڭ كونتسەرتتىك باعدارلامالارى مەن كورمەلەرىن حالىققا ۇسىنعان بولاتىن. قوس مەرەكەنىڭ قۋانىشتى ساتىندە «مادەنيەتىم ماقتانىشىم» ونەر فەستيۆالىنىڭ باس جۇلدە يەگەرى جيدەلى اۋىلدىق وكرۋگى اتانىپ، ونەرپازدارعا «گرانتا» اۆتوكولىگىنىڭ كىلتى تابىستالدى. 

ارىس اسپانىن انگە بولەگەن مەرەكە ودان ءارى كونتسەرتتىك باعدارلاماعا ۇلاسىپ، قالانىڭ انشىلەرى جينالعان قاۋىمعا ونەر كورسەتىپ، ءان-بيدەن شاشۋ شاشتى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1579
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3606