جۇما, 29 ناۋرىز 2024
جاڭالىقتار 3156 0 پىكىر 1 جەلتوقسان, 2016 ساعات 12:25

وقو-دا 100 گا جەر تەلىمى ءبولىندى

وڭتۇستىك قازاقستان وبلىسىندا شاعىن جانە ورتا كاسىپكەرلىكتى قولداۋ - باستى باسىمدىقتاعى جۇمىستاردىڭ قاتارىندا، دەپ حابارلايدى وبلىس اكىمدىگىنىڭ ءباسپاسوز قىزمەتى.

تاياۋدا، وبلىس ەكونوميكاسىنىڭ دامۋىنا مول ۇلەسىن قوساتىن اتالعان سالانىڭ كەدەرگىسىز دامۋى ءۇشىن ايماق باسشىسى جانسەيىت تۇيمەباەۆ ۇسىنىلعان 19 قاۋلىعا قول قويدى. قابىلدانعان قاۋلى اياسىندا قۇنى 32,2 ملرد تەڭگەنى قۇرايتىن ينۆەستيتسيالىق جوبالاردى ىسكە اسىرۋ ءۇشىن 100 گا-دان استام جەر تەلىمى ءبولىندى. 

اتاپ ايتقاندا، كۇن ساۋلەلىك ەلەكتروستانسا قۇرىلىسىن سالۋ ءۇشىن ارىس قالاسى مەن سارىاعاش اۋدانى اۋماعىنان كولەمى 71,8 گا جەر ۋچاسكەسى بولىنسە، يندۋستريالدى ايماقتاردان قۇرىلىس ماتەريالدارىن ءوندىرۋ، ديزەلدى جانار ماي شىعارۋ، ءتۇستى مەتالل بۇيىمدارىن شىعارۋ جانە اۋىل شارۋاشىلىعى ونىمدەرىن قايتا وندەۋ تسەحى ءۇشىن كولەمى 42 گا جەر ۋچاسكەسى پايدالانۋعا بەرىلدى.

ايتا كەتەيىك، وڭتۇستىك قازاقستان وبلىسىنىڭ ينۆەستيتسيالىق تارتىمدىلىعىن كۋشەيتۋ جانە كاسىپكەرلەرگە قولايلى جاعداي جاساۋ ماقساتىندا، وڭىردە 11 يندۋستريالدى ايماق قۇرىلعان.

قازىرگى تاڭدا، وبلىس بويىنشا يندۋستريالدى ايماقتاردا قۇنى 201,3 ملرد تەڭگەنىڭ 166 جوباسى ىسكە اسىرىلۋدا.
وبلىس اكىمدىگىمەن كاسىپكەرلەرگە قولداۋ كورسەتۋ ماقساتىندا 2016 جىلدىڭ باسىنان اكىمدىكتىڭ 66 قاۋلىسى قابىلدانىپ، كاسىپكەرلەردىڭ جەر بەرۋ تۋرالى وتىنىشتەرى قاناعاتتاندىرىلدى.

مەملەكەت باسشىسى ن.نازارباەۆتىڭ باستاماسىمەن وسىدان 6 جىل بۇرىن قولعا الىنعان ۇدەمەلى يندۋستريالىق-يننوۆاتسيالىق دامۋ باعدارلاماسى بۇگىندە ەل ەكونوميكاسىنىڭ دامۋىندا شەشۋشى ءرول اتقارىپ كەلەدى. سونىمەن قاتار، شاعىن بيزنەستىڭ وركەندەۋىنە ىقپال ەتىپ، شيكىزات ەكسپورتى ارتۋدا. بۇل باعىتتا وڭتۇستىك قازاقستان وبلىسىندا اتقارىلعان جۇمىستار اۋقىمدى.

ماسەلەن، وبلىس شەڭبەرىندە قۇرىلعان 11 يندۋستريالىق ايماق جۇمىستارى قارقىندا جۇرگىزىلۋدە. ولاردىڭ ىشىندە بۇگىندە شىمكەنت قالاسىنداعى 337 گا، تۇركىستانداعى 40 گا جانە سوزاق اۋدانىنداعى 50 گا بولاتىن يندۋستريالدى ايماقتاردا ينفراقۇرىلىم تارتىلىپ ءوز جۇمىسىن باستاعان.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1574
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3576