وڭتۇستىك قازاقستان وبلىسى بويىنشا مەملەكەتتىك كىرىستەر باسقارماسىندا كورسەتىلەتىن مەلەكەتتىك قىزمەت تۇرلەرىنىڭ 24-ءسى ەندى «ازاماتتارعا ارنالعان ۇكىمەت» مەملەكەتتىك كورپوراتسياسى ارقىلى الۋعا مۇمكىندىك تۋىپ وتىر.

مامانداردىڭ ايتۋىنشا وڭىردەگى ەلباسىنىڭ «100 ناقتى قادام» ۇلت جوسپارىنداعى 94-ءشى قادامى، ياعني ەسەپ بەرۋگە مىندەتتى ۇكىمەتتى قالىپتاستىرۋ ماقساتىندا قۇرىلعان جاڭا فورمات  «اشىق اكىمدىك» جوباسى ارقىلى قولعا الىنعان قىزمەتتەردىڭ جيىرما ءتۇرى اۆتوماتتاندىرىلعان جانە ولاردى «ەلەكتروندى ۇكىمەت» ۆەب-پورتالى (www.egov.kz) ارقىلى ەلەكتروندى تۇردە الۋعا بولادى. ماسەلەن دارا كاسىپكەردى تىركەۋ ەسەبى ەندى ەلەكتروندى تۇردە جۇزەگە اسىرۋعا ابدەن بولادى. ياعني كاسىپكەر رەتىندە تىركەلەم دەۋشىلەر بۇل قىزمەتتى پايدالا الادى.  

ول ءۇشىن بار بولعانى كوميۋتەر، پلانشەت نەمەسە ۇيالى تەلەفون جانە عالامتور قاجەت. ۇيدەن نەمەسە جۇمىستان شىعۋدىڭ قاجەتتىلىگى تۋىندامايدى. بۇل بىرىنشىدەن كەزەك كۇتتىرمەي ۋاقىتىڭىزدى ۇنەمدەسە، ەكىنشىدەن قاراجاتىڭىزدى دا ۇنەمدەيدى. سونداي-اق ازاماتتار مەن ماماندار اراسىنداعى تىكەلەي قارىم-قاتىناستى بولدىرماي، جەڭ ۇشىنا جالعاسقان سىبايلاس جەمقورلىقتىڭ الدىن-الادى.

   ايتا كەتەيىك، بۇرىندارى سالىق تولەۋشىلەر اتالعان قىزمەتتى تەك مەملەكەتتىك كىرىستەر ورگاندارىنان الا الاتىن. ال، قازىر بۇل قىزمەتتى التەرناتيۆتى نەگىزدە مەملەكەتتىك ورگاندار جانە مەملەكەتتىك كورپوراتسيا كورسەتەدى.