ءماجىلىس توراعاسى نۇرلان نىعماتۋلين استانادا «تاۋەلسىزدىكتىڭ 25-جىلدىعى: ناتيجەلەر. جەتىستىكتەر. كەلەشەك كوكجيەگى» حالىقارالىق كونفەرەنتسياسىندا قۇتتىقتاۋ ءسوز سويلەدى.  

ءوز سوزىندە ءماجىلىس توراعاسى ءبىزدىڭ ەلىمىزدىڭ قالىپتاسۋى مەن دامۋى جولىندا قازاقستان پرەزيدەنتى نۇرسۇلتان نازارباەۆتىڭ تەڭدەسسىز رولىنە توقتالدى.  

-ءبىز 25 جىلدىڭ ىشىندە  بارلىق قيىندىقتى جەڭىپ، دامىعان 50 ەلدىڭ قاتارىنا كىردىك. بۇل  شىنىندا تاريحي جەڭىس. بۇل  تۇڭعىش پرەزيدەنتىمىز  – ەلباسى  نۇرسۇلتان ءابىشۇلى نازارباەۆتىڭ  كورەگەن ساياساتىنىڭ،  باتىل قادامدارىنىڭ، تاريحي شەشىمدەرىنىڭ جەڭىسى. سوندىقتان،  25 جىلدىق بيىك بەلەستەر – ەلىمىز ءۇشىن،  حالقىمىز ءۇشىن  جارقىن بولاشاققا جول اشىپ وتىر،-دەدى نۇرلان نىعماتۋلين.

ءماجىلىس توراعاسى اتاپ وتكەندەي، ەلباسىنىڭ باسشىلىعىمەن جەتكەن بۇل مەرەيتوي ەل تاريحىنلدا ەرەكشە كەزەڭ. قازىرگى ۋاقىتتا الەم الدىندا قازاقستاننىڭ ءوز بەدەلى، ابىرويى، بيىك مارتەبەسى بار.

ن. نىعماتۋليننىڭ پىكىرىنشە، تاۋەلسىزدىكتىڭ اق تاڭى اتقان شاقتا حالىق ءوزىنىڭ شىنايى تاڭداۋىن جاسادى. نۇرسۇلتان نازارباەۆتى ەل پرەزيدەنتى رەتىندە تاڭداي وتىرىپ، تاعدىرلى شەشىم قابىلدادى. سول ۋاقىتتان باستاپ، ەلباسى مەملەكەتىمىزدىڭ قارقىندى دامۋىنىڭ، قازاقستاننىڭ گۇلدەنۋىنىڭ كەپىلىنە اينالدى.

ماڭىزدى حالىقارالىق جيىننىڭ ۇيىمداستىرۋشىسى قازاقستان رەسپۋبليكاسى پارلامەنتى ءماجىلىسى مەن قر سىرتقى ىستەر مينيسترلىگى.

فورۋم جقمىسىنا  بەلارۋس، بەلگيا، يران، يتاليا، قازاقستان، قىتاي، قىرعىزستان، لاتۆيا، پولشا، رەسەي، اقش، تۇركيا، فينليانديا، رگف جانە شۆەتسيا ەلدەرىنىڭ پارلامەنتتىك وكىلدەرى مەن ساراپشىلارى قاتىسۋدا.  

شارا ءۇش سەسسيانى قامتيدى. ولار: «قازاقستانداعى نەگىزگى ساياسي جانە ەكونوميكالىق رەفورمالاردىڭ قورىتىندىلارى»، «قازاقستان الەمدىك ساياساتتا»، «قازاقستان: كەلەششەك كوكجيەگى».  

Abai.kz