جۇما, 19 شىلدە 2019
ەكونوميكا 1077 0 پىكىر 22 قاراشا, 2016 ساعات 00:00

Coca-Cola كومپانياسى ۋنيۆەرسيادانىڭ رەسمي دەمەۋشىسى بولدى

«الماتىداعى 2017 جىلعى 28 دۇنيەجۇزىلىك قىسقى ۋنيۆەرسياداعا دايىندىق جانە ۇيىمداستىرۋ ديرەكتسياسى» مق جانە Coca-Cola كومپانياسى كەلىسىمگە كەلگەنى تۋرالى جاريالادى، سونىڭ نەگىزىندە Coca-Cola ويىندار كەزىندە  رەسمي سەرىكتەس رەتىندە بارلىق الكوگولسىز سۋسىنداردىڭ تاسىمالداۋشىسى بولىپ تاعايىندالدى.

«ۋنيۆەرسيادانىڭ سەرىكتەسى» مارتە­بەسىندە Coca-Cola بۇكىل قاتىسۋشىلار  مەن جارىس قوناقتارىنا 850 ليتر سۋسىندار ۇسىنادى جانە سالقىنداتقىش جابدىق­تارمەن قامتاماسىز ەتەدى.

سونىمەن قاتار، حالىققا ۋنيۆەرسيادا اۋقىمدى شاراسىن ناسيحاتتاۋ باعىتىندا  Coca-Cola(500مل), BonAqua(500مل) سۋ­سىنداردىڭ سىرتىنداعى جاپسىرما­لارىندا 2017 جىلعى حالىقارالىق ستۋدەنتتىك ويىنداردىڭ لوگوتيپى بەينەلەنەدى.

– الەمدەگى كوپتەگەن ءىس-شارالاردىڭ ماڭىزدىلىعىن انىقتايتىن فاكتورلاردىڭ ءبىرى – ۇيىمداستىرۋشى كوميتەتتىڭ سەرىك­تەستەرىنىڭ كىم ەكەندىگى، بۇگىن الەمدەگى ترانسۇلتتىق كومپانيالاردىڭ اراسىندا جەتەكشى ورىن الاتىن Coca-Cola كومپا­نياسىمەن كەلىسىم-شارتقا قول قويۋ بىزدەر ءۇشىن جاعىمدى جاڭالىق. Coca-Cola رەسمي تۇردە ۋنيۆەرسيادانىڭ سۋسىندار بويىنشا سەرىكتەسى بولىپ جاريالاندى جانە ستۋدەنت­تىك ويىندارعا 850 مىڭ ليتر سۋسىن تابىس­تايدى. سالىستىرار بولساق، بۇل 30 تەمىر جول تسيستەرناسى بولادى، – دەپ اتاپ ءوتتى «الماتى قالاسىنداعى 2017 جىلعى 28-دۇنيەجۇزىلىك قىسقى ۋنيۆەرسياداعا دايىندىق جانە ونى وتكىزۋ جونىندەگى ديرەكتسياسى» مق ديرەكتورى نايل نۋروۆ.

ديرەكتسيا باسشىسى ۋنيۆەرسيادا 1 ميللياردتان استام كورەرمەندەر اۋديتو­رياسىندا ونىڭ سەرىكتەستەرىنىڭ پوزيتسيا­لاۋى ءۇشىن مۇمكىندىك بولىپ تابىلاتىنىن دا  اتاپ ءوتتى. ستۋدەنتتەر اراسىنداعى ويىن­دارعا قىزىعۋشىلىقتى ارتتىرۋ ماقسا­تىن­دا Coca-Cola كومپانياسى تاراپىنان سىرتقى جار­ناما جۇرتشىلىققا تانى­تىلاتىن بولادى.

ايتا كەتسەك، Coca-Cola كوپتەگەن جىلدار بويى وليمپياداعا قولداۋ كورسەتىپ كەلەدى، 1928 جىلى امستەردامدا وتكەن وليمپيادا ويىندارىنا ەڭ العاش  دەمەۋ­شىلىك ەتكەن.

قازاقستاندا كومپانيا سپورتتى بەل­سەندى تۇردە قولداپ كەلەدى. 2006 جىلدان باستاپ، جالپى كازاقستان بويىنشا جاسوس­پىرىمدەر اراسىنداعى «Coca-Cola بىلعارى دوپ»  فۋتبول ءتۋرنيرىن دە ۇيىمداستىرۋعا كومەك كورسەتتى. بۇل تۋرنيرگە 5,500 مەكتەپ­تەن 400 مىڭ بالا قاتىستى، سونىمەن قاتار Coca-Cola كومپانياسى قازاقستان اۋماعىندا Fuse Tea برەندى اتىنان، «3,2,1 – ستارت» ي «پاپا، ماما، يا – اكتيۆنايا سەميا» اتتى  جىل سايىنعى بۇكىلالەمدىك وليم­پيادالىق كۇن مەن ۆەلوجارىس وتكىزىپ ءجۇر.

– بىرىنشىدەن، Coca-Cola كومپانياسىنا قازاقستانداعى ايتۋلى شاراعا سەرىكتەس رەتىندە سەنىم بىلدىرگەنى ءۇشىن ۋنيۆەرسيا­دانىڭ ۇيىمداستىرۋ كوميتەتىنە العىس ايتقىم كەلەدى.  قوعامنىڭ جاۋاپتى ازا­ماتى رەتىندە، وسى ەلدە بيزنەس جۇرگىزگەنىمىز ءۇشىن وسى مارتەبەلى جارىستىڭ وتۋىنە اتسا­لىسۋدى مىندەت دەپ سانايمىز.  سپورت­پەن اينالىسۋ ادام ءومىرىن جاقسارتادى، وسى ايتۋلى دودا كەزىندە ءبىزدىڭ قاتارعا كوپتەگەن ادامداردىڭ قوسىلعانىن قالايمىز، – دەيدى «كوكا-كولا الماتى بوتتلەرس» كومپانيا­سىنىڭ ۇكىمەت­پەن جانە قوعاممەن بايلانىس دەپارتا­مەنتىنىڭ  ديرەكتورى اليما يسەم­باەۆا.

abai.kz

0 پىكىر