مىنا سۋرەتتەردى كورىپ، بالالىق شاعىم ەسىمە ءتۇسىپ كەتتى. وڭتۇستىكتە تۇلكىباس دەگەن اۋدان بار. 90-جىلدارى ول جەردەگى قاردىڭ بيىكتىگى 1.5 مەترگە دەيىن جەتەتىن، ەسىكتەر اشىلماي قالاتىن، سەبەبى تاۋدىڭ ەتەگىندە ورنالاسقان سوڭ، قار سۇمدىق جاۋاتىن ەدى.

كەشە الماتىدا قار جاۋعانى تۋرالى ەرىنبەگەننىڭ ءبارى جازدى. تاۋدىڭ باۋرايىندا ورنالاسقان قالادا قاردىڭ ءجوپ جاۋعانى تابيعي قۇبىلىس، وسىنداي كەزدە ءبارىمىز شۋلاي بەرمەي، كىشكەنە كلاۆياتۋرادان الىستاپ، دالاعا شىعىپ، الەۋمەتتىك بەلسەندىلىگىمىزدى وسى جىگىتتەر سياقتى كورسەتسەك، كىشكەنە بولسا دا قوعامنىڭ دامۋىنا اتسالىسقان بولامىز جانە ءومىردىڭ ءبىر قىزىق ساتىنە كۋا بولار ەدىك. قۇرىعاندا ءۇيىمىزدىڭ الدىن قاردان تازالاپ، تابيعات ءبىزدى سىناپ جاتقاندا، ءبىر-بىرىمىزگە كومەكتەسەيىك.