جەكسەنبى, 31 مامىر 2020
COVID-19 قازاقستاندا. جۇقتىرعاندار — 10382. جازىلعاندار — 5220. قايتىس بولعاندار — 38
نە كورىپ ءجۇرسىز؟ 5256 7 پىكىر 17 قاراشا, 2016 ساعات 13:35

ءپالى، پارا بەرگەن شەنەۋنىك - جابىرلەنۋشى ەكەن

اقتوبە وبلىستىق دەنساۋلىق ساقتاۋ باسقارماسى باستىعىنىڭ ورىنباسارى المات ەرماعامبەتوۆ قىزدارىن وقۋعا ءتۇسىرۋ ءۇشىن 20 000 دوللار پارا بەرگەنىن پوليتسياعا مويىندادى، دەپ جازادى «دياپازون».

ۇلكەن قىزىن نازارباەۆ ۋنيۆەرسيتەتىنە، كىشى قىزىن نازارباەۆ ينتەللەكتۋالدى  مەكتەبىنە تۇسىرمەك بولىپ، بوتاگوز بيەكەنوۆا دەگەن 39 جاستاعى ازاماتشاعا پارا بەرگەن. بيكەنواۆا بولسا، شەنەۋنىكتىڭ 20 مىڭ اقش دوللارىن الىپ، الداپ سوققان. شاراسى تاۋسىلعان شەنەۋنىك (المات ەرماعامبەتوۆ) سوتقا ارىز جازىپ، قىلمىستىق ءىس قوزعاتىپتى. قازىرگى ۋاقىتتا ازاماتشا بوتاگوز بيەكەنوۆا «الاياقتىق» بابى بويىنشا تەرگەلىپ، قاماۋعا الىنعان.

سوتقا تۇسىنىكتەمە بەرگەن ەرماعامبەتوۆتىڭ ايتۋىنشا،  2016 جىلدىڭ اقپان ايىندا ازاماتشا بيەكەنوۆانىڭ قىزداردى وقۋعا تۇسىرۋگە ۋادە بەرگەن. جانە نۋ پرورەكتورى اعاسى ەكەنىن ءام نيم-دە تانىستارى بارىن ايتىپ، الداپ سوققان. شەنەۋنىك 20 مىڭ اقش دوللارىن بەرىپ تۇرىپ، ەشقانداي قولحات الماعان.

ال پوليتسيا تۇتقىنداعان بيەكەنوۆا ءوز كىناسىن مويىنداماپتى.

پارادوكس. پارا بەردى. جانە ونى شەنەۋنىك بەردى. ءبىزدىڭ جالقى سۇراعىمىز مىناۋ: ايىپتى پارانى بەرگەن ادام با، الدە العان ادام با؟ مۇمكىن ەكەۋى بولار. 20 مىڭ دوللار ءىرى سوما. حوش، الاياقتىق جاساماق بولدى دەگەن بيەكەنوۆانىڭ ءىسىن قۇپتاماق ەمەسپىز.  دەسە دە بيەكەنوۆانى وسى ىسكە يتەرمەلەگەن كىم؟ ەرماعامبەتوۆ قىزدارىن وقۋعا ءتۇسىرۋ ءۇشىن زاڭعا قايشى ارەكەتكە بارعانى ءۇشىن جاۋاپقا تارتىلا ما؟

جەمقورلىق پارا الۋ عانا ەمەس. نەگىزىنەن پاراقورلاردى جاسايتىن پارا بەرۋشىلەر. ەگەر ءتيىستى قۇقىق قورعاۋ ورگاندارى پاراقورلىقتىڭ باستاماشىسىن (ىنتاگەرىن)  – «پارا بەرۋشىنى» جازالامايتىن بولسا، ءىس جۇزىندە ولاردى «باسىنان سيپاپ»، ماراپاتتاعان بولىپ شىعادى. بەرۋ بار جەردە الۋ دا بار.  پارا بەرۋ جانە پاراقورلىققا دەلدال بولۋ.

سىبايلاس جەمقورلىق قىلمىستار تۋرالى قىلمىستىق كودەكستىڭ 189-بابى (سەنiپ تاپسىرىلعان بوتەن مۇلiكتi يەمدەنiپ الۋ نەمەسە تالان-تاراجعا سالۋ) بويىنشا،پارا الۋشى دا، ىنتاگەر دە جاۋاپقا تارتىلۋى ءتيىس-اق!

نۇرزات توعجان

Abai.kz

 

7 پىكىر