مەكتەپ بىتىرگەن بالام اسكەري جوعارى وقۋ ورنىنا تۇسكىسى كەلەدى. بىلەيىن دەگەنىم، قازاقستان بويىنشا قاي قالالاردا اسكەري وقۋ ورىندارى بار؟ جامال باقىتقىزى، تاراز قالاسى

مەكتەپ بىتىرگەن بالام اسكەري جوعارى وقۋ ورنىنا تۇسكىسى كەلەدى. بىلەيىن دەگەنىم، قازاقستان بويىنشا قاي قالالاردا اسكەري وقۋ ورىندارى بار؟ جامال باقىتقىزى، تاراز قالاسى
قازىرگى تاڭدا قازاقستان رەسپۋبليكاسىندا جالپى 180 جوعارى وقۋ ورنى جۇمىس ىستەيدى. ونىڭ 167-ءسى ازاماتتىق، 13-ءى ازاماتتىق ەمەس وقۋ ورىندارى. ازاماتتىق وقۋ ورىندارىنىڭ 55-ءى مەملەكەتتىك، 112-ءسى مەملەكەتتىك ەمەس جوعارى وقۋ ورنى بوپ تابىلادى. قازىرگى تاڭدا ىشكى ىستەر مينيسترلىگىنىڭ ۆەدومستۆولىق باسقارۋىندا ءۇش جوعارى جانە ءۇش ورتا كاسىپتىك وقۋ ورنى بار. ولار: قر ءىىم اكادەمياسى; قاراعاندى جانە قوستاناي زاڭ ينستيتۋتتارى; اقتوبە، سەمەي جانە شىمكەنت زاڭ كوللەدجدەرى. جوعارى وقۋ ورىندارىندا ماماندار دايارلاۋ «يۋريسپرۋدەنتسيا»، جانە كوللەدجدەردە «قۇقىق قورعاۋ ءىسى» ماماندىقتارى بويىنشا جۇزەگە اسىرىلادى. سونداي-اق كەلەسى جوعارى وقۋ ورىندارىندا دا اسكەري ماماندىق الىپ شىعۋعا مۇمكىندىك بار: قۇرلىق اسكەرلەرىنىڭ اسكەري ينستيتۋتى (الماتى قالاسى), راديوەلەكترونيكا جانە بايلانىس اسكەري ينجەنەرلىك ينستيتۋتى (الماتى قالاسى), شەتەل تىلدەرى اسكەري ينستيتۋتى (الماتى قالاسى), اسكەري-تەڭىز ينستيتۋتى (اقتاۋ قالاسى), اۋە قورعانىس كۇشتەرىنىڭ اسكەري ينستيتۋتى (اقتوبە قالاسى). جوعارى اسكەري وقۋ ورىندارىنا ازاماتتىق جاستار قاتارىنان، وقۋعا قابىلداۋ كۇنى 17 جاسقا تولعان، بىراق 21 جاستان اسپاعان «جاس ۇلان» رەسپۋبليكالىق مەكتەبىنىڭ جانە رەسپۋبليكالىق اسكەري مەكتەپ-ينتەرناتتارىنىڭ بىتىرۋشىلەرى قابىلدانادى. اسكەري وقۋ ورىندارىنا تۇسۋگە نيەت بىلدىرگەن ازاماتتىق جاستار تۇرعىلىقتى جەرى بويىنشا قورعانىس ءىسى جونىندەگى اۋداندىق (قالالىق) بولىمدەرگە (باسقارماعا) وقۋعا ءتۇسۋ جىلىنىڭ 1 ساۋىرىنە دەيىن ارىز بەرەدى.

«الاش ايناسى» گازەتى 29 مامىر 2009 جىل