2010 جىلدىڭ 1-7 قاراشا ارالىعىندا استانا قالاسىندا توعىزقۇمالاقتان تۇڭعىش الەم چەمپيوناتى وتكىزىلەدى. بۇل ءىس-شارا قازاقستان رەسپۋبليكاسىنىڭ تۋريزم جانە سپورت مينيسترلىگى سپورت كوميتەتى، قازاقستان رەسپۋبليكاسىنىڭ توعىزقۇمالاق قاۋىمداستىعى جانە استانا قالاسىنىڭ تۋريزم، سپورت جانە دەنە تاربيەسى باسقارماسىنىڭ ۇيىمداستىرۋىمەن، حالىقارالىق توعىزقۇمالاق قاۋىمداستىعىنىڭ قولداۋىمەن وتكىزىلگەلى تۇر. ماقساتى - تۇركى حالىقتارىنىڭ زياتكەرلىك ويىنى توعىزقۇمالاقتى الەمدىك دەڭگەيدە ناسيحاتتاۋ، ەڭ ۇزدىك سپورتشىلاردى انىقتاۋ، بۇقارالىق سيپاتىن ارتتىرۋ بولىپ تابىلادى.

العاشقى الەم چەمپيوناتىنا انگليا، ءازىربايجان، گەرمانيا، يسپانيا، قازاقستان، قىرعىزستان، قىتاي، وزبەكستان، لاتۆيا، مونعوليا، تۇركيا، تۇركمەنستان، رەسەي، چەحيا، شۆەيتساريا، ۋكراينا سياقتى ەلدەردەن بارلىعى 50-گە جۋىق سپورتشى قاتىسادى دەپ كۇتىلۋدە. ءار ەلدىڭ قۇراماسى 3 ەر جانە 3 ايەل. چەمپيونات ەرلەر جانە ايەلدەر اراسىندا جەكە-جەكە وتكىزىلەدى.

قازاقستان رەسپۋبليكاسىنان كوماندا قۇرامىندا مىنا سپورتشىلار ونەر كورسەتەدى: ەرلەر اراسىندا حدسش ع.تەمىرباەۆ (وڭتۇستىك قازاقستان وبلىسى), حدسش ا.سەيتجانوۆ (استانا قالاسى), سش ب.ابىلبەكوۆ (قوستاناي وبلىسى), قىزدار اراسىندا حدسش د.كەنينا (پاۆلودار وبلىسى), حدسش ءا.داليەۆا (قىزىلوردا وبلىسى), حدسش س.ساپاربەكوۆا (وڭتۇستىك قازاقستان وبلىسى).

2010 جىلدىڭ 1-7 قاراشا ارالىعىندا استانا قالاسىندا توعىزقۇمالاقتان تۇڭعىش الەم چەمپيوناتى وتكىزىلەدى. بۇل ءىس-شارا قازاقستان رەسپۋبليكاسىنىڭ تۋريزم جانە سپورت مينيسترلىگى سپورت كوميتەتى، قازاقستان رەسپۋبليكاسىنىڭ توعىزقۇمالاق قاۋىمداستىعى جانە استانا قالاسىنىڭ تۋريزم، سپورت جانە دەنە تاربيەسى باسقارماسىنىڭ ۇيىمداستىرۋىمەن، حالىقارالىق توعىزقۇمالاق قاۋىمداستىعىنىڭ قولداۋىمەن وتكىزىلگەلى تۇر. ماقساتى - تۇركى حالىقتارىنىڭ زياتكەرلىك ويىنى توعىزقۇمالاقتى الەمدىك دەڭگەيدە ناسيحاتتاۋ، ەڭ ۇزدىك سپورتشىلاردى انىقتاۋ، بۇقارالىق سيپاتىن ارتتىرۋ بولىپ تابىلادى.

العاشقى الەم چەمپيوناتىنا انگليا، ءازىربايجان، گەرمانيا، يسپانيا، قازاقستان، قىرعىزستان، قىتاي، وزبەكستان، لاتۆيا، مونعوليا، تۇركيا، تۇركمەنستان، رەسەي، چەحيا، شۆەيتساريا، ۋكراينا سياقتى ەلدەردەن بارلىعى 50-گە جۋىق سپورتشى قاتىسادى دەپ كۇتىلۋدە. ءار ەلدىڭ قۇراماسى 3 ەر جانە 3 ايەل. چەمپيونات ەرلەر جانە ايەلدەر اراسىندا جەكە-جەكە وتكىزىلەدى.

قازاقستان رەسپۋبليكاسىنان كوماندا قۇرامىندا مىنا سپورتشىلار ونەر كورسەتەدى: ەرلەر اراسىندا حدسش ع.تەمىرباەۆ (وڭتۇستىك قازاقستان وبلىسى), حدسش ا.سەيتجانوۆ (استانا قالاسى), سش ب.ابىلبەكوۆ (قوستاناي وبلىسى), قىزدار اراسىندا حدسش د.كەنينا (پاۆلودار وبلىسى), حدسش ءا.داليەۆا (قىزىلوردا وبلىسى), حدسش س.ساپاربەكوۆا (وڭتۇستىك قازاقستان وبلىسى).

باسقا ەلدەردەن قاتىسقىسى نەمەسە تولىق اقپارات العىسى كەلەتىن ازاماتتار بولسا مىنا مەكەن-جايعا حابارلاسۋعا بولادى: توعىزقۇمالاقتان مەملەكەتتىك جاتتىقتىرۋشى م.شوتاەۆ - 8701-426-76-42, ەلەكتروندىق ادرەس -  mshotay@mail.ru

قازاقتىڭ ءتول زياتكەرلىك ويىنى توعىزقۇمالاق سوڭعى جىلدارى جوعارعى قارقىنمەن دامىپ كەلەدى. توعىزقۇمالاق قاۋىمداستىعى، قازاقستان رەسپۋبليكاسى تۋريزم جانە سپورت مينيسترلىگى، وبلىس اكىمشىلىكتەرىنىڭ قولداۋى ارقاسىندا بۇل ويىنمەن شۇعىلدانۋشىلاردىڭ سانى 100 مىڭ ادامعا جاقىندادى. توعىزقۇمالاققا حالىقارالىق دەڭگەيدە دە قىزىعۋشىلىق ءوسىپ كەلەدى. قازىر توعىزقۇمالاقپەن تەك شەتەلدەگى قازاقتار عانا ەمەس، انگليا، فرانتسيا، گەرمانيا، يسپانيا، چەحيا، رەسەي، ۋكراينا، قىتاي مەملەكەتتەرىندە دە جەرگىلىكتى حالىقتاردىڭ اراسىندا ويناۋشىلاردىڭ سانى ارتۋدا.

توعىزقۇمالاق التى رەت 2006 جىلى - لوندوندا، 2007, 2008, 2009 جانە 2010 جىلدارى  - پراگا مەن پاردۋبيتسەدە (چەحيا), 2010 ج. - كانندا (فرانتسيا) دۇنيەجۇزىلىك زياتكەرلىك وليمپيادا مەن فەستيۆالدەردىڭ باعدارلاماسىنا ەندى.

2007 جىلى ماكەدونيانىڭ وحريد قالاسىندا وتكەن تۇركى تىلدەس حالىقتاردىڭ جاستار قۇرىلتايىندا 40 ەلدەن كەلگەن 240 دەلەگاتقا ۇلتتىق ويىننان سەمينار وتكىزىلدى.

شەتەلدەگى توعىزقۇمالاق جاناشىرلارى ءۇشىن انگليادا /2009 ج./, شۆەيتساريادا /2008 ج./, كولۋمبيادا /2008 ج./, قىتايدا /2008 ج./, تۇركيادا /2007, 2008, 2009, 2010 جج./, وزبەكستاندا /2009, 2010 جج./, قىرعىزستاندا /2010 ج./, رەسەيدە /2007, 2008, 2010 جج./ بىرنەشە تانىستىرۋشىلىق شارالار جانە حالىقارالىق جارىستار ۇيىمداستىرىلدى.

بۇگىنگى كۇننىڭ تاعى ءبىر ماڭىزدى وقيعاسى 2009 جىلدىڭ 15 قىركۇيەگىنەن باستاپ، الەمدىك عالامتوردا توعىزقۇمالاق زياتكەرلىك ويىن رەتىندە تىركەلىپ، www.iggamecenter.com - سايتىندا توعىزقۇمالاقتىڭ ونلاين جۇيەدە وينايتىن باعدارلاماسى جاسالىندى. الداعى ۋاقىتتا تورتكۇل دۇنيەنىڭ مىقتى وي شەبەرلەرىمەن وسى سايتقا كىرۋ ارقىلى ەلەكتروندىق باعدارلامادا توعىزقۇمالاق ويناۋعا، ويىن شەبەرلەرىنىڭ پارتيالارىن تالداۋعا، ساقتاۋعا  بولادى.

اباي-اقپارات