استانا. 15 قىركۇيەك. قازتاگ – استانانىڭ تۇرعىن ءۇي باسقارماسىندا پاتەر الۋعا كەزەكتە تۇرعان ەلوردالىق بالالار ءۇيىنىڭ بۇرىنعى تاربيەلەنۋشىلەرىنە جالعا بەرىلەتىن تۇرعىن ۇيلەردىڭ كىلتتەرى تابىس ەتىلدى، دەپ حابارلادى اكىمنىڭ ءباسپاسوز قىزمەتى.

«استانالىقتاردىڭ وسى ساناتىن تۇرعىن ۇيمەن قامتاماسىز ەتۋ قاجەتتىلىگى ماسەلەسىن استانا اكىمى يمانعالي تاسماعامبەتوۆ2009 جانە 2010 جج (...) حالىقپەن ەسەپتىك كەزدەسۋدە كوتەرگەن بولاتىن. پاتەرلەر كەزەك بويىنشا مەملەكەتتىك تۇرعىن ءۇي قورىنان مۇقتاج جاندارعا جەكە پاتەر العانعا دەيىن ۋاقىتشا پايدالانۋعا بەرىلەدى. جەكە پاتەر العانداجەتىمدەر جالعا العان تۇرعىن ءۇيدى بوساتادى.«استانا قالاسىنىڭ تۇرعىن ءۇي باسقارماسى» مم بوساعان پاتەرلەردى قايتادان قونىس تويىن كۇتىپ جۇرگەن جەتىم بالالارعا بەرەدى»، -دەلىنگەن اكىمدىكتىڭ ءباسپاسوز قىزمەتى سارسەنبى كۇنى تاراتقان حابارلامادا.

ءباسپاسوز قىزمەتىنىڭ تۇسىندىرۋىنشە، پاتەردى جالعا العان تۇرعىندارىمەن پاتەرلەردىڭ يەسى -«قالالىق جىلجىمايتىن مۇلىك» مكك ۇزارتۋ مۇمكىندىگى قاراستىرىلعان ءبىر جىلدىق جالعا الۋ كەلىسىمىن جاسايدى.

جەتىم بالالارعا باسپانا ەكى ادامعا ءبىر بولمە ەسەبىنەن بەرىلەتىن بولادى. كەزەكتە تۇرعاندارعا 11 ءبىر- جانە ەكى بولمەلى پاتەر بولىنگەن.

جالعا الۋ قۇنى شارشى مەترى ءۇشىن ت220 قۇرايدى. سونىمەن قاتار جالعا الۋشىلار كوممۋنالدىق قىزمەت ءۇشىن اقىنى وزدەرى تولەيتىن بولادى.

«قالالىق جىلجىمايتىن مۇلىك» مكك رەزەرۆىنەن «يسكاندەر» تك (…) 2 كىرە بەرىس، ناقتىراق ايتقاندا 24 پاتەر بەرىلدى»، - دەپ حابارلايدى اكىمنىڭ ءباسپاسوز قىزمەتى.