قازاق الاڭعا شىعىپ، كونستيتۋتسيادا بەلگىلەنگەن قۇقىعىن پايدالانا وتىرىپ، بيلىككە دەگەن ءوز نارازىلىعىن بىلدىرەر بولسا، سول جەردە سوعىس باستالعانداي قارۋلى جاساق جينالا قالادى. كەشە الماتى قالاسىندا 8 ناۋرىز مەرەكەسىن  سىلتاۋ قىلعان ءبىر توپ فەمينيست الاڭعا شىقتى. ءبىز قارۋلى جاساقتى بىلاي قويىپ، جاي فورما كيگەن پوليتسەيلەردىڭ ءوزى توبە كورسەتپەگەنىنە تاڭ قالدىق.

قۇدايعا شۇكىر! بىراق جىلدا اركىم ءوز ويىن اشىق ايتاتىن، دامىعان ەلدەر سەكىلدى ميتينگ وتكىزەتىن جاعدايعا جەتىپپىز.

21 مامىرداعى جەردى جالعا بەرۋگە قارسى ميتينگتەردىڭ بولعانىنا ءبىر جىل بولا قويعان جوق. ءار ادامعا 5 قۇقىققورعاۋشى جابىلاتىن كۇن كەلمەسكە كەتكەن سىڭايلى.

كەشەگى ميتينگتە سونى فەمينيستەر دالەلدەدى. بۇل شەرۋدە نە ايتىلدى؟ قىسقاشا بايانداي كەتەيىك.

«يا نە حوچۋ بوياتسيا مۋجچين»، «سوبليۋدەنيە پراۆ ي بەزوپاسنوست ۆ جەنسكيح كولونياح»، «جەنششينا نيكومۋ نيچەگو نە دولجنا» ۇرانىن كوتەرگەن قىز-كەلىنشەكتەر ەلدەگى زورلىق-زومبىلىقتى جانە ءبىر جىنىستىلاردى كەمسىتۋدى توقتاتۋدى تالاپ ەتتى.

الاڭعا شىققان بەلسەندىلەردىڭ ايتۋىنشا، سوڭعى جىلدارى قازاقستاندا وتباسىلىق زورلىق-زومبىلىقتىڭ ۇلەس سالماعى ارتىپ كەتكەن. 

«سوڭعى جىلدارى 8 ناۋرىز گۇلدەر مەن نازىكتىكتىڭ مەرەكەسىنە اينالدى. جۇرت ايەل ادامدار ۇنەمى نازىك ءارى سۇلۋ بولۋى كەرەك دەيدى. ءبىز بۇل ءداستۇردى بۇزىپ، 8 ناۋرىزدىڭ شىنايى ءمانىن قالپىنا كەلتىرگىمىز كەلەدى. ياعني ايەلدەر ەركەكتەرمەن تەڭ بولۋى كەرەك. ايەلدەر جۇمىستا، كوشەدە، قوعامدا ەرلەرمەن بىردەي تاڭداي جاساي الۋى ءتيىس. ەر مەن ايەل دەپ بولىنۋگە قارسىمىز. ءبىزدىڭ ەلدە بۇل ۇدەرىس كەنجەلەپ قالدى، – دەيدى شەرۋشىلەر.

ولاردىڭ ايتۋىنشا، ايەل ادام بالا تۋعا مىندەتتى ەمەس. بۇل اركىمنىڭ ءوز تاڭداۋى. 

ەندى، سارالاپ كورەيىك. بىزگە قاي ميتينگ قاۋىپتى؟ 21 مامىرداعى ما، كەشەگى مە؟

ەگەر دە قۇقىق قورعاۋشىلار اقىلعا سالسا، جەر ءۇشىن شىرىلداعان قازاقتىڭ ۇنىنە وزدەرى دە قوسىلىپ كەتۋى كەرەك ەدى. ويتكەنى، ول جەردە ۇلتتىڭ ۇلتتىق مۇددەسى بار بولاتىن. بولاشاق قازاق مەملەكەتىنىڭ جاتقا ەسەسى كەتپەۋ ءۇشىن شىرىلداعان ءار ازامات قۇرمەتكە لايىقتى ەدى. 

ال، مىنا ميتينگ... ۇلتnى بىلاي قويىپ، ادامزاتقا قاۋىپ توندىرەتىن ءبىرجىنىستىلاردىڭ قۇقىعى ءۇشىن جانتالاسقانداردىڭ ء"داۋدىر-دايى". ءبىزدىڭ قۇقىققورعاۋشىلار بۇگىن ءلام دەمەدى، ەرتەڭ ولاردىڭ سانى وسە تۇسپەسىنە كىم كەپىل؟ 

جالپى، كىم دوس، كىم قاس ەكەنىن اجىراتا المايتىن، اجىراتسا دا شەتكە قاراپ قورقاقتايتىن "جارتى-باس" شەندىلەردى ايايمىن، كەيدە... 

مىنا فەمينيستەر سەكىلدى ارقا سۇيەرى جوق قازاق قايدا بارىپ كۇن كورەر ەكەن؟

ءشارىپحان قايسار

Abai.kz