استانادان تاراعان بۇگىنگى جاڭالىق «جاڭارتۋ» دەگەن جاڭا پارتيانىڭ جايى تۋرالى ايتادى. پارتيانىڭ جەتەكشىسى ا. سابدەنوۆ دەگەن كىسى كورىنەدى. ا-نىڭ كىم ەكەنى، قايدان شىققانى دا ازىرگە بەلگىسىزدەۋ بولىپ تۇر. ال اتى - ارتۋرزينو(؟). 
سونىمەن ارتۋرزينو سابدەنوۆ باسقاراتىن پارتيا «جاڭارتامىز» دەپ جۇلقىنىپ شىققانىمەن  قويماي الداعى پارلامەنت سايلاۋىندا نۇر وتاننان كەيىنگى ورىندى يەلەنەتىندەرىن دە جاريالاپ ۇلگەرىپتى. سونداي اشىق ءام باتىل مالىمدەمە جاساۋىنا قاراعاندا «جاڭارتۋشىلاردىڭ» جارىلقاۋشىسى دا، جەبەۋشىسى دە پرەزيدەنت اكىمشىلىگىنىڭ ء(پا) ءوزى بولسا كەرەك. جۇرتقا جاريا بولماي جاتىپ تىركەلۋگە ءتيىس قولدى جيناپ الا قويعاندارى دا «ءپالى، مىناۋىڭ ءپا-ءنىڭ پاتيقاسىن العان پارتيا عوي» دەگەندى ويلاتادى.

استانادان تاراعان بۇگىنگى جاڭالىق «جاڭارتۋ» دەگەن جاڭا پارتيانىڭ جايى تۋرالى ايتادى. پارتيانىڭ جەتەكشىسى ا. سابدەنوۆ دەگەن كىسى كورىنەدى. ا-نىڭ كىم ەكەنى، قايدان شىققانى دا ازىرگە بەلگىسىزدەۋ بولىپ تۇر. ال اتى - ارتۋرزينو(؟). 
سونىمەن ارتۋرزينو سابدەنوۆ باسقاراتىن پارتيا «جاڭارتامىز» دەپ جۇلقىنىپ شىققانىمەن  قويماي الداعى پارلامەنت سايلاۋىندا نۇر وتاننان كەيىنگى ورىندى يەلەنەتىندەرىن دە جاريالاپ ۇلگەرىپتى. سونداي اشىق ءام باتىل مالىمدەمە جاساۋىنا قاراعاندا «جاڭارتۋشىلاردىڭ» جارىلقاۋشىسى دا، جەبەۋشىسى دە پرەزيدەنت اكىمشىلىگىنىڭ ء(پا) ءوزى بولسا كەرەك. جۇرتقا جاريا بولماي جاتىپ تىركەلۋگە ءتيىس قولدى جيناپ الا قويعاندارى دا «ءپالى، مىناۋىڭ ءپا-ءنىڭ پاتيقاسىن العان پارتيا عوي» دەگەندى ويلاتادى.
قىسقاسى، «جاڭارتۋ» نەنى جاڭارتادى؟ بىزدەگى «بەت اۋىزى» ەش وزگەرمەيتىن بيلىكتى مە، الدە تەتىكتەرى جۇمىس ىستەۋدەن قالعان جۇيەنى مە؟ «جاڭارتۋ» كىمدى جاڭارتادى؟ جاڭالانا-جاڭالانا جالىققان بيلىكتى مە، الدە جاڭارۋدان جان باعۋى قيىنداپ كەتكەن حالىقتى ما؟ ازىرگە بۇنىڭ بىرىنە دە ءبىز جاۋاپ بەرە المايمىز، ءبىز تۇگىلى جاڭا پارتيانىڭ جەتەكشىسى ارتۋرزينونىڭ ءوزى دە اۋىز تولتىرىپ ەشتەڭە دەي الامسى بەلگىلى. بىراق، كەزەكتى ءبىر تىقىردىڭ تاياپ قالعانى انىق سياقتى. قاراشا، بالكىم جەلتوقسان... سول ءبىر ەكى ايدا ەل تاعى دا ەلەكتوراتقا اينالىپ دەپۋتات سايلاپ جۇرمەسىن. تەگى، سولاي سياقتى. بىزدە ساياسي ناۋقانداردىڭ قارساڭىندا وسىنداي ءبىر ويىنشىق  پارتيانىڭ ايقايلاپ، اتتانداپ، قالا بەردى اسارلاتىپ شىعا كەلەتىنى بار ەمەس پە؟ وي، ءتايىرى-اي، «جاڭارتۋ» دەيدى. كىمدى جاڭارتپاق؟ قالاي جاڭارتپاق؟

«اباي-اقپارات»