سەيسەنبى, 26 مامىر 2020
COVID-19 قازاقستاندا. جۇقتىرعاندار — 8531. جازىلعاندار — 4515. قايتىس بولعاندار — 35
بىلگەنگە مارجان 13295 5 پىكىر 28 اقپان, 2017 ساعات 16:07

ساياحاتقا ءجيى شىعۋعا جەتى سەبەپ

كەي ادامداردىڭ ساياحاتتاۋعا دەگەن قۇمارلىعىن ايتىپ جەتكىزۋ مۇمكىن ەمەس. بۇل ادامدار ساياحاتتاۋ ءۇشىن عانا جارالعانداي. جاڭا، قىزىقتى وقيعالاردى باستان كەشۋدى جانى قالاپ تۇرادى. ال كەيبىر ادامدار ساياحاتتى دۇنيەتانىم كەڭەيتۋدىڭ جولى دەپ ەمەس، تەك دەمالىس دەپ قانا ۇعادى. قالاي دەسەك تە، ەكى توپتاعى ادامدار دا قاراجاتى مەن كۇش-قۋاتىن ساياحاتقا جۇمسايدى. ءسىزدىڭ قاي توپقا جاتاتىنىڭىزدى بىلمەيمىز، الايدا ساياحاتتاۋدىڭ باستى سەبەپتەرىن اتاپ بەرە الامىز. 


1. دەمالىس جانە كۇش-قۋاتتى قالپىنا كەلتىرۋ  كۇندەلىكتى كۇيبەڭ تىرشىلىكتەن ءبىر مەزەت وزگە كەڭىستىككە كوڭىل جۇگىرتىپ كورىڭىزشى، قالانىڭ شۋى مەن دابىلىنان دالانىڭ دارحان جەلى ارتىق ەمەس پە؟! تازا اۋا مەن جاسىل تابيعات سىزگە سەرپىن بەرىپ، كۇش-قۋات سىيلايدى. كۇندەلىكتى مەزى ەتەر، شەشىمى قيىن ماسەلەلەردەن ارىلىپ، تىنىش تابيعاتتا تىنىققانعا نە جەتسىن. بىرنەشە كۇن ساياحاتتاپ، دەمالىپ كورىڭىزشى، سەرگىپ قالاسىز. 

2. ويىن ويناۋ  ءومىرىڭىز تىم بىرقالىپتى، تۇراقتى بولۋى دا ءسىزدى جالىقتىرادى. سوندىقتان ساياحاتتاۋ ارقىلى ىشكى بالالىق بەلسەندىلىگىڭىزدى، بالاقاي بىلىمقورلىعىڭىزدى وياتاسىز. الەمگە، تابيعاتقا وزگە تالپىنىسپەن، كوزقاراسپەن قارايسىز. بالا كۇنىڭىزدە جاساماعان ارەكەتىڭىزگە بارىپ، ويناماعان ويىنىڭىزدى ويناپ كورىڭىز. ماسەلەن، اتكەنشەكتە تەربەلىڭىز، سۋدا ءجۇزىڭىز. 

3. جاڭا قابىلەتتەرگە يە بولاسىز  ساياحاتتاۋ جاڭا ماسەلەلەر مەن مىندەتتەردى العا قويادى، بۇل مىندەتتەردى، ماسەلەلەردى شەشۋ ارقىلى ءوزىنىڭىزدىڭ قابىلەتىڭىز بەن مۇمكىنشىلىگىڭىزدى ارتتىراسىز.


4. دۇنيەتانىمىڭىزدى كەڭەيتەسىز  ساپار شەگۋ ارقىلى ءسىز وزگە مادەني الەمگە، وزگە ادامداردىڭ ومىرىنە ساياحاتتايسىز. جەرگىلىكتى حالىقتىڭ مادەنيەتىنە، تۇرمىسىنا ۇڭىلەسىز، ءمانىن ىزدەيسىز. سول ارقىلى الەمدى تانۋدا جاڭا كوزقاراس قالىپتاستىراسىز. ءوز ەلىڭىزگە كەلگەندە ساناڭىزدا سالىستىرۋعا بولاتىن دۇنيەلەر پايدا بولادى. ءبىر ەسكەرەرلىگى، سالىستىرىپ وتىرعان ۇعىمدارىڭىزدىڭ تاريحى مەن اۋقىمىن نازاردان تىس قالدىرماڭىز.

5. ويلانۋعا كوپ ۋاقىت بولەسىز  ساياحات جاساۋ ءۇشىن تەك الىس مەكەنگە ەمەس، قالانىڭ شەتىنە بارساڭىز دا بولادى. ماسەلەن، تاۋعا سەرۋەندەۋگە شىعىڭىز. بالىق اۋلاپ كورىڭىز. ادام زەيىنىن وزگە نارسەگە بۇرعان كەزدە جاڭا يدەيالار دا قاتار تۋادى. 

6.تابيعاتپەن وڭاشا قالۋ  ءبىز كوپ ۋاقىتىمىزدى جابىق كەڭىستىكتە وتكىزەمىز. ال ساياحات جاساۋ ءسىزدى كەڭ كەڭىستىككە – تابيعات انانىڭ ايالى الاقانىنا الىپ شىعادى. ايماقتىڭ كەڭدىگى كەۋدەڭىز كەڭەيۋىنە دە جول اشادى. تابيعاتپەن وڭاشا قالۋ ءسىزدى تەرەڭ ويلارعا جەتەلەيدى. 

7. جۇمىس تۋرالى ويلاردان ادا قىلادى  ادامداردىڭ كوپشىلىگى «جۇمىس-جۇمىس» دەپ الاڭداپ، ەلەڭدەپ ۋاقىتىن، كۇش-قايراتىن قۇرتادى. جۇمىسقا اسا بەرىلۋ كۇيزەلىسكە دۋشار ەتەدى. ساياحاتتاۋ كەزىندە جۇمىس تۋرالى ويدان الشاقتاپ، وزىڭىزبەن ءوزىڭىز قالۋعا مۇمكىنشىلىك تۋادى. ال كەيدە جۇمىس تۋرالى ويلاماۋ ارقىلى جۇمىسقا قاجەتتى يدەيانى تابۋعا بولادى. ءيا، بۇل راس.

نۇرسۇلۋ نايمانوۆا

Abai.kz

5 پىكىر