سەنبى, 30 مامىر 2020
COVID-19 قازاقستاندا. جۇقتىرعاندار — 10382. جازىلعاندار — 5057. قايتىس بولعاندار — 37
جاڭالىقتار 3006 0 پىكىر 28 اقپان, 2017 ساعات 13:23

ورىسشا ۋاعىز وقيتىن يمامدار دايىندالىپ جاتىر

كوپشىلىكتىڭ سۇراۋىمەن كەيبىر مەشىتتەردە قازىر ۋاعىز ورىسشا وقىلادى نە بولماسا قازاق تىلىندەگى ۋاعىزدان كەيىن ورىسشا ءتۇسىندىرۋ جۇمىستارى جۇرگىزىلەدى. سوندىقتان، قازاقستان مۇسىلماندارى ءدىني باسقارماسىنىڭ نايب ءمۇفتيى، "نۇر استانا" مەشىتىنىڭ باس يمامى ناۋرىزباي قاجى تاعانۇلىنىڭ ايتۋىنشا، "نۇر-مۇباراك" ۋنيۆەرسيتەتى مەن بىرنەشە مەدرەسەدە ورىس توپتارى اشىلىپ، ماماندار دايىندالىپ جاتىر.

وتكەن جىلى يمامداردىڭ ۋاعىزىن تولىق تۇسىنبەيتىن دiندارلار بار بولعاندىقتان، كوپۇلتتى ەلدi-مەكەندەردەگi جەكەلەگەن مەشiتتەردە قازاقشا ۋاعىزدان كەيىن قوسىمشا ورىس تىلىندە تۇسiنiكتەمە بەرۋ ۇسىنىلعان ەدى. ويتكەنى قازاقشا ۋاعىزدى تۇسiنبەگەن ازاماتتار يسلام تۋرالى اقپاراتتى رەسمي ەمەس دەرەككوزدەردەن، ونىڭ ىشىندە تەرىس ءدىني اعىم ۇستانۋشىلارىنان الۋعا ءماجبۇر.

"حالىقتان ءتۇرلى سۇرانىس بار. ەلىمىزدە 70 پايىزدان كوپ مۇسىلماندار تۇرادى. ونىڭ ىشىندە، ارينە، قازاق تىلدىلەر كوپ. بىراق مۇسىلمان ءدىنىن ۇستاناتىن ورىس ءتىلدى جاماعات تا بار. سولاردىڭ ءوتىنىشى بويىنشا ەلىمىزدە ورىس ءتىلدى جاماعات كوپ شوعىرلانعان جەردە ورىس تىلىندە دە ۋاعىز جۇرگىزىلىپ جاتىر. بۇل سۇرانىسقا بايلانىستى، مىسالى جۇما ۋاعىزى تولىقتاي ورىس تىلىندە جۇرگىزىلمەيدى. ويتكەنى قازاق ءتىلدى جاماعات وعان رەنجيدى. ال ءبىز ورىسشانى قوسىپ، بۇگىنگى ۋاعىزدى ءتۇسىندىرىپ كەتەمىز. ءبىر مەشىتتە "قازاقشا تۇسىنبەيمىز، ورىسشا ءتۇسىندىرىپ بەرسەڭىزدەر" دەپ جاماعات سۇراسا، ءبىز سول جاماعاتتىڭ سۇرانىسىن قاناعاتتاندىرامىز. نەگىزى، مەشىتكە كەلەتىن جاماعات قازاق ءتىلدى عوي", — دەيدى ناۋرىزباي قاجى.

بۇدان بولەك، مەشىتتەردە ورىس تىلىندە ارنايى ساباقتار دا جۇرگىزىلەدى. بۇل رەتتە ۋاعىزدى تۇسىندىرەتىن جانە ساباقتاردى ورىسشا جۇرگىزەتىن ماماندار كەرەك قوي. سوندىقتان "نۇر-مۇباراك" ۋنيۆەرسيتەتى مەن بىرنەشە مەدرەسەدە ورىس توپتارى اشىلىپ، ارنايى ماماندار دايارلانىپ جاتىر.

اباي اقپارات

0 پىكىر