قر پارلامەنتى ءماجىلىسىنىڭ توراعاسى ورال مۇحامەدجانوۆتىڭ جەتەكشىلىگىمەن پالاتانىڭ جالپى وتىرىسى بولىپ ءوتتى. وندا دەپۋتاتتار  بەرىك بەكجانوۆ پەن نۇرلان ونەرباي  باستاعان ءبىر توپ دەپۋتات پرەمەر-مينيستر كارىم ماسىموۆكە دەپۋتاتتىق ساۋال جولدادى. وندا: ەلباسىمىز نۇرسۇلتان ءابىشۇلى نازارباەۆ «ءبىز تاۋەلسىزدىكتى اڭساپ زارىعا جەتتىك. ەندى سول تاۋەلسىزدىكتىڭ قاسيەتتى بەلگىلەرىندە ەرەكشە قادىرلەۋىمىز، قاستەرلەۋىمىز كەرەك. ءاربىر ازامات قازاقستاننىڭ تۋىن، ەلتاڭباسىن، ءانۇرانىن تۇمارداي قاسيەت تۇتۋى قاجەت. ەلىمىزدىڭ سىنالاتىن ءبىر تۇسى وسى» -دەگەن ەدى. مەنىڭشە وسى سىنالاتىن تۇس كەلىپ جەتكەن سەكىلدى.

مەنىڭ بۇلاي دەۋىمە كەيىنگى ۋاقىتتا ەلىمىزدىڭ مەملەكەتتىك رامىزدەرىنە قاتىستى قوعامدا ورىن الىپ وتىرعان كەلەڭسىز جاعدايلار سەبەپ بولىپ وتىر.

قازاقستان رەسپۋبليكاسى كونستيتۋتسياسىنىڭ 9-بابىنا سايكەس ەلىمىزدىڭ مەملەكەتتىك رامىزدەرى ولار تۋى، ەلتاڭباسى جانە ءانۇرانى.

قازاقستان رەسپۋبليكاسىنىڭ ازاماتتارى، سونداي-اق قازاقستان رەسپۋبليكاسى اۋماعىندا جۇرگەن ادامدار قازاقستان رەسپۋبليكاسىنىڭ مەملەكەتتىك رامىزدەرىن قۇرمەتتەۋگە مىندەتتى. بۇل قازاقستان رەسپۋبليكاسىنىڭ مەملەكەتتىك رامىزدەرۋ تۋرالى زاڭ تالابى.

الايدا، بۇل زاڭ تالاپتارى بارلىق جەردە تيىسىنشە ساقتالىپ وتىرعان جوق دەسەم ارتىق ايتپاعان بولار ەدىم.

قر پارلامەنتى ءماجىلىسىنىڭ توراعاسى ورال مۇحامەدجانوۆتىڭ جەتەكشىلىگىمەن پالاتانىڭ جالپى وتىرىسى بولىپ ءوتتى. وندا دەپۋتاتتار  بەرىك بەكجانوۆ پەن نۇرلان ونەرباي  باستاعان ءبىر توپ دەپۋتات پرەمەر-مينيستر كارىم ماسىموۆكە دەپۋتاتتىق ساۋال جولدادى. وندا: ەلباسىمىز نۇرسۇلتان ءابىشۇلى نازارباەۆ «ءبىز تاۋەلسىزدىكتى اڭساپ زارىعا جەتتىك. ەندى سول تاۋەلسىزدىكتىڭ قاسيەتتى بەلگىلەرىندە ەرەكشە قادىرلەۋىمىز، قاستەرلەۋىمىز كەرەك. ءاربىر ازامات قازاقستاننىڭ تۋىن، ەلتاڭباسىن، ءانۇرانىن تۇمارداي قاسيەت تۇتۋى قاجەت. ەلىمىزدىڭ سىنالاتىن ءبىر تۇسى وسى» -دەگەن ەدى. مەنىڭشە وسى سىنالاتىن تۇس كەلىپ جەتكەن سەكىلدى.

مەنىڭ بۇلاي دەۋىمە كەيىنگى ۋاقىتتا ەلىمىزدىڭ مەملەكەتتىك رامىزدەرىنە قاتىستى قوعامدا ورىن الىپ وتىرعان كەلەڭسىز جاعدايلار سەبەپ بولىپ وتىر.

قازاقستان رەسپۋبليكاسى كونستيتۋتسياسىنىڭ 9-بابىنا سايكەس ەلىمىزدىڭ مەملەكەتتىك رامىزدەرى ولار تۋى، ەلتاڭباسى جانە ءانۇرانى.

قازاقستان رەسپۋبليكاسىنىڭ ازاماتتارى، سونداي-اق قازاقستان رەسپۋبليكاسى اۋماعىندا جۇرگەن ادامدار قازاقستان رەسپۋبليكاسىنىڭ مەملەكەتتىك رامىزدەرىن قۇرمەتتەۋگە مىندەتتى. بۇل قازاقستان رەسپۋبليكاسىنىڭ مەملەكەتتىك رامىزدەرۋ تۋرالى زاڭ تالابى.

الايدا، بۇل زاڭ تالاپتارى بارلىق جەردە تيىسىنشە ساقتالىپ وتىرعان جوق دەسەم ارتىق ايتپاعان بولار ەدىم.

«ۆرەميا» رەسپۋبليكالىق قوعامدىق-ساياسي گازەتىنىڭ اعىمداعى جىلدىڭ 9 قىركۇيەگىندەگى سانىندا «ترۋسى ۆنە زاكونا؟» دەگەن ماقالا جارىق كوردى. وندا پاۆلودار قالالىق ماسليحاتىنىڭ دەپۋتاتى ارمان الياكپاروۆتىڭ قالالىق دۇكەندەردە ەلىمىزدىڭ مەملەكەتتىك تۋى بەينەلەنگەن ىشكيىمدەردىڭ ساتىلىپ جاتقاندىعىنا دابىل قاققان بولاتىن.

مەملەكەتتىك رامىزدەر بۇل - تاۋەلسىزدىك پەن ەگەمەندىكتىڭ بەلگىسى. سوندا ەلدىگىمىز بەن كەڭدىگىمىزدىڭ بەلگىسى -  كوك بايراعامىزدىڭ بايلاعاننىڭ بەلىندە كەتە بەرۋى تيىسپە ؟  جوق.

سونىمەن قاتار، قازىر ەلىمىزدىڭ ءبىر قاتار باسىلىمدارى «وتاۋ ىشىنەن وتاۋ تىككەن» جالاۋلار تۋرالى دا اشىنا جازۋدا.

ۇستىمىزدەگى جىلدىڭ 7 قىركۇيەگىندە رەسپۋبليكالىق قوعامدىق-ساياسي «ايقىن» گازەتى «ءبىز كوك تۋلى ەلمىز بە، الدە كوپ تۋلى ەلمىز بە» ماقالا جاريالادى. ماقالادا  سوڭعى جىلدارى، اسىرەسە، الماتى كوشەلەرىندە قازاقتىڭ كوك تۋىن ەمەس، شىڭجاڭ ۇيعىر اۆتونوميالىق اۋدانىنىڭ بەيرەسمي رامىزىنە اينالعان، جارتى اي مەن جۇلدىز بەزەندىرىلگەن كوگىلدىر تۋدى اۆتوكولىكتەرىنىڭ الدىڭعى جانە ارتقى تەرەزەلەرىنە ءىلىپ ءجۇرۋ ءۇردىسى بەلەڭ الىپ بارا جاتقانى تۋرالى دابىل قاعىپ وتىر.

عالامتورداعى رەسمي مالىمەتتەرگە سەنسەك، اتالعان تۋ قىتايدا سەپاراتيزمنىڭ نىشانى رەتىندە تانىلعان، سوندىقتان دا ونىڭ قولدانىلۋىنا تىيىم سالىنعان.

ەگەردە ءاربىر كولىكتە ادام ءوز ۇلتىنا سايكەس، سىرتتاعى اتا-جۇرتىنىڭ تۋىن ءىلىپ قويسا، ءبىزدىڭ مەملەكەتتىلىگىمىز بەن ۇلتتىق ازاماتتىعىمىز، تاۋەلسىزىدىگىمىز بەن ەگەمەندىگىمىز قايدا قالعانى ؟!

قازاقستان رەسپۋبليكاسىندا زاڭمەن بەكىتىلگەن ءبىر-اق تۋ بار. ول - قازاقتىڭ كوك بايراعى. ودان باسقا تۋ مويىندالماۋى كەرەك. سەبەبى بۇل ءبىزدىڭ ەگەمەندىگىمىزگە، تاۋەلسىزىدىگىمىزگە نۇقسان.

قازاقستان رەسپۋبليكاسىنىڭ مەملەكەتتىك رامىزدەرى تۋرالى زاڭىندا، قازاقستان رەسپۋبليكاسىنىڭ مەملەكەتتىك تۋىن، مەملەكەتتىك ەلتاڭباسىن جانە ولاردىڭ بەينەلەرىن، سونداي-اق قازاقستان رەسپۋبليكاسى مەملەكەتتىك گيمىنىنىڭ ءماتىنىن ورنالاستىرۋ ەرەجەسىندە ەلدىڭ رامىزدەرىن قايدا جانە قايتىپ پايدالانۋ كەرەكتىگى تاتپىشتەپ جازىلعان.

ال قازاقستان رەسپۋبليكاسىنىڭ قىلمىستىق كودەكسىنىڭ 317-بابىنا سايكەس مەملەكەتتىك رامىزدەردى قورلاعانى ءۇشىن قىلمىستىق جاۋاپكەرشىلىك بەلگىلەنگەن.

مەنىڭشە، ەل بايراعىن ىشكيىمگە تانۋ بۇل ەل ءرامىزىن قورلاۋ، ال ەلىمىزدىڭ كوك بايراعىن مويىنداماۋ ەلدىگىمىزدى، تاۋەلسىزدىگىمىزدى، ۋنيتارلىعىمىزدى  مويىنداماۋ دەپ ءتۇسىنۋ كەرەك. سوندىقتان، قاي جەردە جانە قانداي نىساندا بولسىن، قازاقستان رامىزدەرى تۋرالى زاڭنىڭ ورىندالۋىن قاتاڭ باقىلاۋعا الىپ، جوعارىدا اتالعان فاكتىلەردى زاڭ شەڭبەرىندە تەكسەرۋ قاجەت دەپ ەسەپتەيمىن».

ساۋلە دوسجانوۆا،

ت.74-63-01. اقپاراتتى قر پارلامەنتى ءماجىلىسى اپپاراتىنىڭ  باسپاسوز قىزمەتى تاراتىپ وتىر