تالدىقورعان. 16 قىركۇيەك. قازتاگ – الماتى وبلىسىندا ءداندى داقىلداردى جيناۋ جۇمىستارى 84 %-عا ورىندالدى.

وبلىستىق اۋىل شارۋاشىلىق باسقارماسىنىڭ جەدەل اقپاراتىنا سايكەس، ەگىن شىعىمى 18,7 تس/گا دەڭگەيىندە. جالپى العاندا 625500 ت ماساقتى ءداندى داقىل جينالدى.

ماساقتى ءداندى داقىلداردى ورۋ جانە باستىرۋ جۇمىستارىن الاكول، كەربۇلاق، رايىمبەك اۋداندارىنىڭ ديقاندارى جالعاستىرۋدا.

وسى اپتادا ەسكەلدى، سارقان اۋداندارىنىڭ شارۋاشىلىقتارى ەگىن وراعىن اياقتايدى.

بولاشاق ءتۇسىم ءۇشىن ماساقتى ءداندى داقىلدار شارۋاشىلىعىنا تۇقىم دايىندالىپ جاتىر. ونىڭ ىشىندە، تۇتىنۋعا كۇزدىك ەگىس تۇقىمدارىنىڭ 94%-دان استامى، جازدىق ەگىستىڭ 53% دايىندالدى.

كارتوپ وسىرۋشىلەر مەن كوكونىس وسىرۋشىلەر ءۇشىن دە قازىر ءونىم جيناۋ ماۋسىمىنىڭ ناعىز قىزعان شاعى. شارۋاشىلىق اۋدانداردا ەگىستىك الاڭىنىڭ (60,4%) 21131 گا تۇيىندەرى، كوكونىستەردىڭ 20619 گا (79,2%) جينالدى، سايكەسىنشە شىعىمدىلىعى 170,4 تس/گا جانە 244,6 تس/گا.

قاراتال، پانفيلوۆ، ۇيعىر اۋداندارىندا كۇنباعىس، ال ەسكەلدى اۋدانىندا سويا جيناۋ باستالدى.

بولاشاق ەگىس ءۇشىن 85956 گا، نەمەسە بەلگىلەنگەننىڭ 43%عا جۋىعى دايىندالعان. وبلىس اۋداندارىنىڭ كوبىندە ەگىس اگرەگاتتارى جۇمىسقا تارتىلدى. كۇزدىك ەگىسكە ماساقتى تۇقىمدارى 18422 گا جەرگە سالىندى، نەگىزگى جۇمىس ءالى الدا، دەپ حابارلايدى اۋىل شارۋاشىلىق باسقارماسى.