ۇقك-ءى جەمقورلىقتى تەرگەۋگە قوسىمشا قۇزىرەت سۇرايدى
قازاقستاننىڭ ۇلتتىق قاۋىپسىزلىك كوميتەتى اسكەريلەر مەن جەمقورلىققا قارسى كۇرەس كوميتەتىنىڭ قىزمەتكەرلەرى قاتىسى بار ىستەردى تەرگەۋ ءۇشىن قوسىمشا قۇزىرەت بەرۋىن سۇرادى.
قازاقستاندا سىبايلاسقان جەمقورلىققا قاتىستى ىستەردى تەرگەۋ جۇمىستارىن نەگىزىنەن سىبايلاسقان جەمقورلىقپەن كۇرەس جونىندەگى ۇلتتىق بيۋروسى اينالىسادى. ول مەملەكەتتىك قىزمەت ىستەرى جونىندەگى اگەنتتىگىنە قارايدى.
باس پروكۋروردىڭ ورىنباسارى يوگان مەركەل ۇقك-عا "ارنايى ورگاندارداعى" قىلمىستىق ىستەردى تەرگەۋ قۇزىرەتىن بەرۋ تۋرالى ۇسىنىس جاسالعانىن مالىمدەدى. ونىڭ پىكىرىنشە، زاڭدارداعى مۇنداي وزگەرىس ۇلتتىق بيۋرومەن تەپە-تەڭدىك ورناتۋعا جول اشادى.
قۇقىققورعاۋ جۇيەسىن جەتىلدىرۋ ماسەلەلەرى جونىندەگى زاڭ جوباسى تەرگەۋشىنىڭ پروكۋرور شەشىمىنە شاعىم ءتۇسىرۋ قۇقىعىن كەڭەيتۋدى، پوليتسياعا باعىنباعاندارعا سالاتىن ايىپپۇل كولەمىن 11 ميلليون تەڭگەگە دەيىن ءوسىرۋدى قاراستىرادى.
Abai.kz
