جەكسەنبى, 8 جەلتوقسان 2019
بىلگەنگە مارجان 3006 0 پىكىر 30 قاڭتار, 2017 ساعات 17:47

ءۇندى دانالىعى

بۇگىن سىزدەردىڭ نازارلارىڭىزعا ءۇندى دانالىعىن ۇسىنامىز. بۇل – ورتا ازيادا، ءۇندىستان تۇبەگىندە ورنالاسقان حالقىنىڭ سانى بويىنشا 2 ورىندا تۇرعان ءىرى مەملەكەت. بۇل عىلىم مەن مادەنيەتى ەرتەدەن قالىپتاسقان ەجەلگى ەل. تاڭعاجايىپ سەزىمدەر سىيلايتىن، تاعدىرى تەرەڭنەن تامىر الاتىن ءۇندىستاننىڭ دانالىعى نە دەيدى ەكەن؟ وقىپ كورىڭىز!


***

جەر بەتىندەگى سوڭعى اعاش كەسىلگەندە، سوڭعى وزەن لاستانعاندا، سوڭعى قۇس ۇستالعاندا عانا ادامدار اقشانىڭ جەۋگە جارامسىز ەكەنىن تۇسىنەدى. 

***

ادام بالا كەزىندە – اكەسى مەن شەشەسى تۋرالى عانا، جاستىق شاعىندا – عاشىعى تۋرالى عانا، قارتايعاندا –بالالارى تۋرالى عانا ويلايدى. ءسويتىپ، ونىڭ ءوزى تۋرالى ويلاۋعا قولى تيمەيدى.

  ***

ادامدى بىلگىڭ كەلسە، ونى اشۋلاندىر. ادام – ىدىس سەكىلدى، ءىشى نەگە تولى بولسا، سونى توگەدى. 

***

اقىلدى، ءارى ادال اداممەن دوس بول. اقىلدى، ءارى ارام ادامنان ساق بول. 

***

سەن تۋعاندا جىلاپ جاتتىڭ، ال الەم قۋانىپ جاتتى. ولەردە سەن قۋانىپ، الەم جىلاپ جاتاتىنداي ءومىر ءسۇر. 

***

مەنىڭ ارتىمنان جۇرمە، مەن سەنى اداستىرۋىم مۇمكىن. مەنىڭ الدىما تۇسپە، مەن سەنى اڭدۋىم مۇمكىن. مەنىمەن بىرگە ءجۇر، ءبارىن جەڭەمىز! 

***

ادام ءوز نىساناسىن ءوزى تاڭدادى ما، جەبەسىن دە ءوزى جاساسىن. 

***

جۇرتتىڭ كوڭىلىن وزىڭە اۋدارۋ ءۇشىن بيىككە شىعۋىڭ كەرەك. 

 

اۋدارمانى ازىرلەگەن نۇرسۇلۋ نايمانوۆا.

Abai.kz

0 پىكىر