جۇما, 6 جەلتوقسان 2019
بىلگەنگە مارجان 2306 0 پىكىر 27 قاڭتار, 2017 ساعات 14:01

جاناتىن اكۋلا!

دەۆيد گرۋبەر بۇل اكۋلانى تەرىسىن جاسىل تۇسكە اينالدىرىپ كورسەتەتىن كوك ءتۇستى جارىق تاراتقىش بيوفلۋورەستسەنتسيا كامەراسى ارقىلى سۋرەتكە ءتۇسىردى.

تەڭىز بيولوگى دەۆيد گرۋبەر سۋ استىنداعى قارا كوك جارىقتى تەرىسى ءسىڭىرىپ الىپ، ونى نەون-جاسىل، قىزىل نەمەسە قىزعىلت-سارى تۇسكە قايتا شاعىلىستىراتىن، ياعني بيوفلۋورەستسەنتسيا ساۋلەسىن شاشاتىن ەرەكشە ءتىرى ورگانيزمدەردى ىزدەۋمەن اينالىسادى. جۇمىستارىنا «National Geographic» قوعامى قولداۋ كورسەتكەن گرۋبەر بيوفيۋورەستسەنتسيا قۇبىلىسىن مەدۋزادان، كوراللداردان، تەڭىز تاسباقاسىنان جانە 200-دەن استام بالىق تۇرلەرىنەن بايقاعان. تەرەڭگە سۇڭگۋمەن اۋەستەنەتىن عالىم قازىرگى تاڭدا بۇل بالىقتاردىڭ بولمىسىنان بولەك ولاردىڭ قالاي كورەتىندىگىن زەرتتەۋگە دە كوپ كوڭىل ءبولىپ وتىر.

گرۋبەردىڭ قولىندا كورنەلل ۋنيۆەرسيتەتى كوز ماماندارىنىڭ «فلۋورەستسەنتتى قابىلەتى جوعارى» ءداۋ باستى اكۋلا جايلى قورىتىندىسى بار. ادام بالاسىنىڭ كوزى الۋان ءتۇستى كورىپ اجىراتادى. گرۋبەردىڭ ايتۋىنا قاراعاندا، مۇنداي اكۋلا كوكشىل-جاسىل تۇستەردى عانا انىق كورەدى ەكەن. عالىم سۋاستى كامەراسىمەن قارۋلانىپ، اكۋلانىڭ بيوفلۋورەستسەنتسيا ساۋلەسى كومەگىمەن جاسىرىنۋىن، شاعىلىسۋىن جانە باسقا دا ارەكەتتەرىن زەرتتەۋگە نيەتتەنىپ وتىر. گرۋبەردىڭ ايتۋىنشا، اكۋلا سەكىلدى كورۋگە مۇمكىندىك بەرەتىن كامەرا «اينالا ورتانى ءدال سولار سياقتى كورىپ، سەزىنۋگە» سەپتىگىن تيگىزەدى.

سايتقا ازىرلەگەن نۇرسۇلۋ نايمانوۆا.

Abai.kz

0 پىكىر