قۇس كەلەردە، قۇس قايتقاندا اۋىرۋلار قوزادى... ادامدار ارقالانا باستايدى... ەموتسياسىن شىعارار جول ىزدەيدى. ۇيدە ۇرىس شىعارا ما، كوشەگە شىققىسى كەلە مە... ايتەۋىر، ءبۇرتۇرلى xالگە تۇسەدى...

جۇمىرتقاسىن جارىپ شىققان بالا كەسىرتكەنى نەمەسە تەڭىزگە جۇگىرگەن تيتتەي تاسباقانى اڭدىعان جىرتقىشتار بولاتىن ەدى عوي... قوزىپ تۇرعان xالدەگى، قوزعالعىسى كەپ تۇرعان پەندەنى دە اڭدىپ، قالاعان ماقساتىنا پايدالانعىسى كەپ تۇراتىن توپتار مەن تۇلعالار بار. جانعا جاعار ءسوزى مەن جالاتاتىن بالى دايىن تۇرادى. قۇرباندىق ىزدەگەن سونداي قورقاۋلاردان اللا ساقتاسىن!
ءجاي، كەشەگى بىشكەك پەن مينسكىدەگى، بۇگىن رەسەيدەگى ارقالانىپ جۇرگەن ادامداردى كورىپ، ەسىمە تۇسكەسىن ايتىپ جاتقانىم...

اللا ەلىمىزدى كەزەندىنىڭ كەزىنەن، ارانداتقىردىڭ ايلاسىنان، جامانداتقىردىڭ جالاسىنان ساقتاعاي! ءمۇيىز سۇراپ، قۇلاقتان ايىرىلعان، تەڭىز سۇراپ، بۇلاقتان ايىرىلعان جۇرتتاردىڭ تاعدىرىن ەشكىمنىڭ باسىنا بەرمەسىن!

مۇحامەدجان تازابەك

Facebook-تەگى پاراقشاسىنان