...«ەحو موسكۆى» دەگەن راديوتوراپتىڭ باس رەداكتورى الەكسەي ۆەنەديكتوۆ (سۋرەتتە) دەگەن بىرەۋ ساياسات پەن تاريحتىڭ ءيىسى مۇرىنىنا بارماسا دا، Twitter الەۋمەتتىك جەلىسىندەگى جەكە پاراقشاسىندا: «قازاقستان لاتىن الىپبيىنە 2025 جىلى كوشەدى. ال، سولتۇستىك قازاقستان شە؟» – دەپ كۇڭكىلدەپ، زاپىران قۇسىپتى...

جۇرت شۋلاپ كەتتى. قازاق ورە تۇرەگەلدى. بىراق، قازاق بيلىگى قۇم جۇتتى، تاعى دا...

ءتىپتى، مۇنداي ارانداتۋشىلىقتى - ايۋاننىڭ ءىسى دەپ تە ايتا المادى. ايۋاننان اۋماي قالعان ۆەنەديكتوۆ تە توپالاڭنان تاسالانىپ، سىلەكەيى شۇبىرىپ، ءۇنسىز قالدى...

رەسەيدەگى نوۆوسىبىرلىك سەرگەي ستيۋارد: «نە دەگەن اقىماق، ميى اتالا بولىپ كەتكەن سۋمي ەدىڭ سەن، ۆەنەديكتوۆ؟!.»– دەپ كۇيىندى...

سەرگەي كرەيدەر: «سولتۇستىك قازاقستان دەگەن ەل جوق، قازاقستان مەملەكەتى مەن ونىڭ تاڭداۋى عانا بار» دەسە، ءبىزدىڭ ورىسشىل الماتىلىق جەرلەسىمىز ماكسيم سيۆاكوۆ: «لاتىن الىپبيىنە قازاق ءتىلى عانا كوشەدى، ورىس تىلىندە كيريلليتسانى پايدالانۋعا ەشكىم تيىم سالمايدى»، - دەپ، الا قويدى بولە قىرىققىسى كەلدى...

مۇنداي مىڭقىلباي اڭگىمەلەردىڭ ءورىس الاتىن سەبەبى، ءبىزدىڭ بىربەتكەي دە شەشىمدى ارەكەتتەن گورى، اركىمنىڭ كوڭىلىن تابۋعا ۇمتىلعان سولقىلداق سوزۋارلىعىمىز دەپ ويلايمىن. تەك، ينتەرنەتتەگى maks1102-ءنىڭ: «سولتۇستىك قازاقستان - قازاقستان رەسپۋبليكاسىنىڭ بولىنبەيتىن ءبىرتۇتاس ايماعى. ورىستاردىڭ باسى ەڭ الدىمەن قيىر شىعىستىڭ قىتاي تىلىنە كوشىپ كەتپەۋىنە اۋىرسىن!», – دەگەن ۇتىمدى ءسوزى عانا قۇيىن-داۋىلدىڭ بەتىن قايتارعانداي بولدى، بىلەم...

ءيا، قادام باسساڭ، قازاقتىڭ جەرى مەن ەلىنە كوز الارتقان ءبىر بۇرالقىنىڭ قۇيرىعىن باسىپ كەتەسىڭ...

ىشتەگى قىز-قىز قايناعان الاۋ-وتتى بۇرىن قىرعىز­ستاننىڭ سوتسيال-دەموكراتيالىق پارتياسىنىڭ باسشىسى ءارى رەسمي بيلىككە وپپوزيتسيونەر رەتىندە تانىلعان سايا­سات­كەر، بۇگىندە تاۋەلسىز قىرعىزستاننىڭ تاريحىنداعى ءتور­تىنشى پرەزيدەنت، الپىس جاستى القىمداعان ابزال ازا­مات المازبەك اتامباەۆ باۋىرىمىزدىڭ: “قازاق­ستان - التىن وردانىڭ تىكەلەي مۇراگەرى” - دەپ تۋرا­سىن ايتىپ، بەلدەن ءبىر-اق كەسكەن ادۋىندى ءھام اقي­قات ءسوزى عانا سۋ سەپكەندەي باسىپ، كوڭىلگە مەدەۋ بولعانداي....

...نەگىزى، ءبىز وسى تىم ءتوزىمدى حالىقپىز. اركىم اۋزىنا كەل­گەنىن كوپىرىپ، قۇسىعىن جۇتسا دا، تىرپ ەتە قويمايمىز. شىدام­نىڭ دا شەگى بار، بۇدان بىلاي قازاق تۋرالى قيسىق سويلەگەندەردى اتەكتەپ تاستايمىز-اۋ...

الدىمەن، الگى قازاقتىڭ ادال اسىن ءىشىپ، ارام جۋىن­دىسىن توككەن جيرەن جيريك قايدا ەكەن؟..

قاجىمۇقان عابدوللا

Abai.kz