قازاقستان پرەزيدەنتى نۇرسۇلتان نازارباەۆ بۇگىن 8-استانا ەكونوميكالىق فورۋمىندا سويلەپ، بىرىككەن ەۋرازيا ەكونوميكالىق كەڭىستىگىن قۇرۋدى ۇسىندى.

"بىزگە بارلىق قاتىسۋشىلاردىڭ ۇلتتىق مۇددەسىن ەسكەرەتىن بىرىڭعاي ەرەجە قابىلداۋ قاجەت. ەرەجە ەڭ الدىمەن ساۋدا-ساتتىق، تاسىمالداۋ مەن رەسۋرستار قوزعالىسىنا قاتىستى بولۋى ءتيىس. بىرىككەن ەۋرازيا ەكونوميكالىق كەڭىستىگى اياسىندا تۇراقتى جۇمىس ىستەيتىن ورىن قۇرىلۋى كەرەك. ول ورىندا قۇرلىقتى دامىتۋعا، كەڭىستىككە مۇشە ەلدەر اراسىنداعى ينتەگراتسيانى نىعايتۋعا قاتىستى ۇسىنىستار ايتىلادى" دەدى نازارباەۆ.

فورۋمنىڭ ەكىنشى كۇنى سويلەگەن نازارباەۆ بۇعان قوسا قازاقستان الداعى ءۇش جىلدا جاڭا جولدار، ەلەكتر جەلىلەرى مەن كوممۋنيكاتسيا قۇرىلىستارىن سلۋعا 14 ميللياردتان استام اقش دوللارىن بولەتىنىن دە ايتتى.

نۇرسۇلتان نازارباەۆ استانادا جاڭا قارجى ورتالىعىن قۇرۋ شەشىمىنە دە قاتىستى پىكىرىن ايتتى. پرەزيدەنتتىڭ پىكىرىنشە، "استانا" قارجى ورتالىعى قازاقستاننىڭ، ودان ارى ورتالىق ازيا  "قارجى ينفراقۇرىلىمىنىڭ ورتالىعى" بولماق. ال بۇعان دەيىن قۇرىلادى دەگەن الماتى قازاقستاننىڭ ءوز ىشىندەگى قارجىلىق قىزمەت كورسەتۋ ورتالىعى بولىپ قالادى.

اباي-اقپارات