جەرگىلىكتى بيلىكتىڭ شەكتەۋ قويعانىنا قاراماستان ۋرالسكدە (ورال قالاسىن ايتادى. - رەد) جەڭىس كۇنىنە ارنالعان اۆتور شەرۋ ءوتتى دەپ جازادى "ۋرالسكايا نەدەليا" گازەتى. گازەت، ارينە، الگى شەرۋ تۋرالى اقپاراتتى قۋانا حابارلاپ، شەرۋ بارىسىنداعى كورىنىستى دە مولىنان قامتىپ وتىر. اگاراكي دەيمىز عوي وسىندايدا، ءدال وسىعان ۇقساستاۋ رۇقسات ەتىلمەگەن ءبىر جيىندى جەرگىلىكتى ۇلت وكىلدەرى جاساسىنشى، "ۋرالسكايا نەدەليا" ۇلت اراسىنداعى داۋدى قوزدىراتىن اڭگىمەگە ۋرالاپ كىرىسەر ەدى. ال، مىنا جايتتى اپتالىق شەرۋشى جاستاردىڭ ەرلىگىنە بالاپ ەلەۋرەيدى. ايتسە دە، بىراق، اتالعان گازەت اۆتوشەرۋگە جەرگىلىكتى بيلىك تاراپىنان كەلىسىم بولماعانىن اينالىپ وتە الماعاندىقتان باتىس-قازاقستان وبلىسى ءىىب باستىعى ماحامبەت ءابىساتوۆتىڭ ءسوزىن كەلتىرەدى. ماحامبەت مىرزا قالادا 300 مىڭعا جۋىق ادام تۇراتىندىعىن، 200 مىڭنان استام كولىك بار ەكەندىگىن ناقتىلاي ايتىپ، اۆتورشەرۋگە شىققان 50 اۆتوكولىك وزگەلەردىڭ ومىرىنە قاۋىپ توندىرەدى، مەيرام كۇنى جول قوزعالىسى تارتىبىنە قايشىلىق تۋدىرادى، سوندىقتان بۇنداي شەرۋگە جول بەرە المايتىندىعىن ەسكەرتىپ، شەرۋشىلەردىڭ بەتىن قايتارعان كورىنەدى.

ەندىگى ء«سوزدى» قالاداعى «دينا» ساۋدا ءۇيىنىڭ الدىنا جينالعان توپتىڭ وزىنە بەرەيىك. "سپاسيبو دەدۋ زا پوبەدۋ", "نا بەرلين", "پومنيم ي گورديمسيا!", "زا ستالينا!", "سپاسيبو بابۋلە زا مەتكيە پۋلي" دەگەن جازۋلار جازعان شەرۋشىلەر تومەندەگىدەي «سالتانات» قۇرىپتى. "جەڭىس كۇنى" دەپ جەلپىنگەن جاستاردىڭ مىنا ارەكەتىندە "جەڭىس كۇنىن" تويلاۋ عانا ەمەس، باسقا ءبىر شەتىن ماسەلەلەردى ويلاۋ دا بار سياقتى. قاراڭىز:   

سۋرەتتەر http://tengrinews.kz سايتىنان الىندى.

Abai.kz