ەرلان سايروۆ، ساياساتتانۋشى:

- بۇگىنگى سايلاۋدا داۋىس بەرۋدە ەلەكتورات ەرەكشە بەلسەندىلىك تانىتتى. داۋىس بەرۋشىلەردىڭ بۇگىنگىدەي كوپتىگى بۇرىنعى سايلاۋلاردا بولماعان وقيعا. بۇل سايلاۋ سونىسىمەن دە ەرەكشەلەندى.

الۋا جولدىبالينا، ساياساتتانۋشى:

- بۇل پرەزيدەنتتىك سايلاۋدا ازاماتتار تاڭداۋ قۇقىعىن تەرەڭ سەزىنگەنىن كورسەتتى. سايلاۋ تاريحىندا وسى ساياسي ناۋقان داۋىس بەرۋشىلەردىڭ كوپتىگىمەن قالادى. 

جارقىن تۇسىپبەكۇلى، ساياساتتانۋشى:

- بۇل ساياسي ناۋقان بۇرىنعى سايلاۋلارمەن سالىستىرعاندا تياناقتى ۇيىمداستىرىلۋىمەن ەرەكشەلەندى. سايلاۋ ۋچاسكەلەرىنە حالىقتىڭ كوپتىگىنەن قوعامنىڭ ساياسي مادەنيەتى جوعارىلاعانىن باعامداۋعا بولادى.

قانات اۋەسباي، جۋرناليست:

 - ءبىزدىڭ قوعامدا داۋىس بەرۋگە قاتىسقان جاس تا، جاسامىس تا جاپپاي سايلاۋعا بارۋدى ازاماتتىق پارىز سانايدى ەكەن. ەل حالقى ەرەكشە ۇيىمشىلدىق تانىتتى. سوندىقتان، داۋىس بەرۋشىلەر سانىنىڭ رەكوردتىق كورسەتكىشكە يە بولعانىن باس ايتا كەتكەن ءجون.

اباي-اقپارات.