ساياسي ناۋقاندار  ىلگەرىدە تەلەارنالار ارقىلى تىكەلەي ەفيردەن كورىنىس تاۋىپ جاتاتىن. ال، ەندى ەلىمىزدەگى ءىرىلى-ۇساقتى وقيعالار قازىر عالامتورعا ەنىپ كەتتى. بۇگىنگى قر پرەزيدەنتىن سايلاۋعا قاتىستى دا وسىنى ايتۋعا بولادى. داۋىس بەرۋشىلەر سايلاۋ پۋنكتتەرىنەن تۇسىرگەن سۋرەتتەرىن الەۋمەتتىك جەلىلەرگە ۇزبەي سالىپ جاتىر.

حالىقتىڭ سايلاۋ ۋچاسكەلەرىنە كوپتەپ كەلۋى بايقالىپ وتىر. بۇل تۋرالى قازاقستاندىق باق وكىلدەرىنە بەرگەن سۇحباتىندا «ساياسات.org» ينتەرنەت باسىلىمىنىڭ شەف-رەداكتورى باۋىرجان تولەگەنوۆ ايتىپ بەردى.

«ناۋقاننىڭ پوزيتيۆتىك بەت-باعدارىن اتاپ وتكىم كەلەدى، بۇل جەردە ەش شيەلەنىسۋگە جول بەرىلمەي، بىرىگۋ فاكتورىنا ەكپىن تۇسىرىلگەن. داۋىس بەرۋدىڭ ەڭ العاشقى ساعاتتارىنان باستاپ الەۋمەتتىك جەلىلەرگە پايدالانۋشىلار سايلاۋ ۋچاسكەلەرىندە تۇسكەن فوتوسۋرەتتەرىن سالىپ، بۇل رەتتە ۋچاسكەلەردە كەزەكتەر پايدا بولىپ وتىرعانىن اتاپ وتىر»، - دەدى ب.تولەگەنوۆ.

اباي-اقپارات.