دۇيسەنبى, 25 مامىر 2020
COVID-19 قازاقستاندا. جۇقتىرعاندار — 8322. جازىلعاندار — 4352. قايتىس بولعاندار — 35
دەپ جاتىر 4851 0 پىكىر 24 ءساۋىر, 2015 ساعات 19:39

"قاجىگەلديندى ەلگە قايتاراتىن كەز كەلدى"

قازاق ەلىنىڭ قازىرگى بيلىگى توقسانىنشى جىلداردىڭ ورتاسىندا ەگەمەن ەلىمىزدىڭ ەكىنشى پرەمەر-ءمينيسترى قىزمەتىن اتقارعان اكەجان قاجىگەلديندى ەلگە قايتارۋ ماسەلەسىن ويلاستىرا باستاعانعا ۇقسايدى. بۇل تۋرالى بۇگىن ءتۇس اۋا «نۇر وتان» پارتياسىنداعى اقپارات كوزىنە سىلتەمە جاساپ، قازتاگ حابارلادى.

«نەگىزى، اكەجان ماعجانۇلىنىڭ ءوز وتانىنا قايتاتىن ۋاقىتى بولدى. ارينە، بۇل ماسەلەدە بىرقاتار زاڭدىق كەدەرگىلەر بار، ول كەدەرگىلەر، البەتتە، كەزىندە راحات اليەۆتىڭ «اجەپتاۋىر ارەكەتتەنگەنىنىڭ» ارقاسىندا قاجىگەلديننىڭ سىرتتاي سوتتى بولۋىنا بايلانىستى. ال قازىر جاعداي وزگەردى، سوندىقتان دا، مەنىڭ ويىمشا، كەزىندە شەت ەل اسىپ كەتكەن، بىراق ءالى دە بولسا ءوز ەلىنە ويداعىداي قىزمەت اتقارا الاتىن ازاماتتارىمىزدى ەلىمىزگە قايتاراتىن ۋاقىت كەلگەن سياقتى» دەدى «نۇر وتانداعى» اقپارات كوزى اتالمىش اگەنتتىك تىلشىسىمەن بولعان اڭگىمەسىندە.

ال، ەندى قاجىگەلديننىڭ جەكە وزىنە كەلەتىن بولساق، ول كىسى ەل بيلىگىمەن ءوزارا ديالوگكە دايىن كورىنەدى. سويتسە دە، ول وزىنە تاعىلعان ايىپتاردىڭ تولىقتاي الىنىپ تاستالۋى ەل اۋماعىندا جەكە باس قاۋىپسىزدىگىنە كەپىل بولا المايتىنىن دا جوققا شىعارمايدى. وسى تۇرعىدان الىپ قاراعاندا، ول بىرقاتار حالىقارالىق ۇيىمداردىڭ قولداۋىنا دا ارقا سۇيەۋى ابدەن مۇمكىن. مۇنى ماسەلەنىڭ ءبىر جاعى دەسەك، ەكىنشى جاعى – قاجىگەلديندى دە تۇسىنۋگە بولادى: ول تۋعان ەلىنەن جىراقتا ءجۇرىپ اكەسىنەن ايىرىلدى. اكەسىمەن قوشتاسىپ، قابىرىنە توپىراق سالا المادى. بۇدان باسقا، وزەگىندەگى وكىنىشتەرىنىڭ تاعى ءبىرى — كوپتەگەن دوستارى مەن قىزمەتتەستەرىن دە جوعالتتى.

ەلىمىزدىڭ قازىرگى بيلىگىندە دە، سونىمەن بىرگە قاراپايىم كوپشىلىك اراسىندا دا ءالى كۇنگە دەيىن قاجىگەلدين كوزقاراسىن قولدايتىندار از ەمەس. نەگىزى، ونىڭ ەلگە قايتۋىنا رۇقسات بەرىلۋ ماسەلەسىندە وسىنداي دا وسىنداي جاعداياتتار تازا ادامي تۇرعىدان دا تۇسىنىستىك تۋعىزادى. مۇنى وسى ماسەلەدە سوڭعى شەشىم قابىلدايتىندار دا تۇسىنەتىن ءتارىزدى.

مارات ماداليموۆ.

Abai.kz

0 پىكىر