قر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتى استانا قالاسىندا «ەۋرازيانىڭ كولىكتىك دالىزدەرى: ىنتىماقتاستىقتىڭ جاڭا جولدارى» اتتى حالىقارالىق كونفەرەنتسيا وتكىزۋدە. وعان ازەربايجان، يران، تۇركيا، رەسەي، قىرعىزستان جانە قىتاي ەلدەرىنىڭ ساراپشىلارى قاتىسۋدا. كونفەرەنتسيانىڭ اشىلۋ سالتاناتىنا قر پرەزيدەنتى اكىمشىلىگى جەتەكشىسىنىڭ ورىنباسارى باعلان مايلىباەۆ، «قازاقستان تەمىر جولى» ۇك ۆيتسە-پرەزيدەنتى باۋىرجان ورىنباساروۆ قاتىستى.

كونفرەنتسيانىڭ اشىلۋ سالتاناتىندا قازاقستان ستراتەگيالىق زەرتتەۋلەر ينستيتۋتىنىڭ ديرەكتورى ەرلان قارين بىلاي دەدى:

- قازىرگى جاعدايدا ءتيىمدى كولىكتىك ينفراقۇرىلىم قۇرۋ قاجەتتىگى ۋاقىت وتكەن سايىن انىق بايقالىپ كەلەدى. دامىعان ينفراقۇرىلىم ءبىزدىڭ ەلدەرىمىزدىڭ اراسىنداعى ەكونوميكالىق ينتەگراتسيانى تەرەڭدەتىپ، كولىكتىك ماسەلەلەردىڭ شەشىلۋىمەن ونىمدەردىڭ باسەكەگە قابىلەتتىلىگىن ايتارلىقتاي ارتتىرادى. قازاقستان رەسپۋبليكاسىنىڭ پرەزيدەنتى نۇرسۇلتان ءابىشۇلى نازارباەۆ ءوزىنىڭ حالىققا ارناعان «نۇرلى جول – بولاشاققا باستار جول» اتتى جولداۋىندا ءدال وسى كولىكتىك-لوگيستيكالىق ينفراقۇرىلىمدى جاھاندىق تۇراقسىزدىق جاعدايىندا ەكونوميكالىق ءوسىمنىڭ نەگىزگى تەتىگى دەپ اتاپ ءوتۋى بەكەر ەمەس.  

اتالعان سالا بويىنشا قازاقستاندا بىرقاتار جوبا جۇزەگە اسىرىلدى. ولار: «باتىس ەۋروپا – باتىس قىتاي» اۆتوماگيسترالىنىڭ قۇرىلىسى، «قازاقستان-تۇرىكمەنستان-يران» تەمىرجول ءدالىزى، «جەزقازعان-بەينەۋ»، «ارقالىق-شۇباركول» تەمىرجول جەلىسى. 

ەۋرازيالىق كەڭىستىكتە كولىكتىك دالىزدەردى ءارى قاراي دامىتۋ ءۇشىن كورشىلەس ەلدەردىڭ ساراپشىلارىن دا ورتاق ىسكە جۇمىلدىرماۋ مۇمكىن ەمەس. سوندىقتان قىتاي، رەسەي، يران، تۇركيا، ازەربايجان مەن قىرعىزستاننان قۇرمەتتى قوناقتاردىڭ كەلىپ كونفەرەنتسياعا قاتىسۋى اسا ماڭىزدى. 

وسى كەزدى پايدالانىپ، بۇگىنگى كونفەرەنتسياىڭ سپيكەرلەرىنە، بارلىق قاتىسۋشىلارىنا جانە ۇيىمداستىرۋ جۇمىستارىنىڭ باسى-قاسىندا جۇرگەن قر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنا العىس ايتقىم كەلەدى. كونفەرەنتسيا قورىتىندىسى ەلدەرىمىز اراسىنداعى كولىكتىك دالىزدەردى دامىتاتىن جوبالارعا ىقپال ەتىپ، ناتيجەلى بولادى دەگەن ۇمىتتەمىن.

جارقىن تۇسىپبەكۇلى

Abai.kz