بەيسەنبى, 29 قازان 2020
COVID-19 قازاقستاندا. جۇقتىرعاندار — 110832. جازىلعاندار — 105883. قايتىس بولعاندار — 1825
ساياسات 6448 0 پىكىر 13 ءساۋىر, 2015 ساعات 17:44

قازاقستان – قىتاي: ىنتىماقتاستىق جولى

«قازىرگى جانە بولاشاق جوبالار قازاقستان مەن قىتاي ىنتىماقتاستىعىن بەكىتە تۇسەدى» دەپ سانايدى بەلگىلى ساياساتتانۋشى، شىعىستانۋشى عالىم كونستانتين سىروەجكين كۇنشىعىستاعى كورشىمەن قارىم-قاتىناسىمىز تۋرالى ويلارىمەن بولىسە وتىرىپ. وتاندىق اقپارات اگەنتتىكتەرىنىڭ ساۋالىنا جاۋاپ بەرگەن سىروەجكين مىرزامەن بولعان اڭگىمەنىڭ ۇزىن-ىرعاسى تومەندەگىدەي.

- وتكەن جىلى پرەزيدەنت «نۇرلى جول» باعدارلاماسىن ۇسىندى. قىتايدا دا وسىنداي باعدارلاما بار. باستى يدەياسى تۇسىنىكتى. حالىققا قانداي جاڭا مۇمكىندىكتەر بەرۋى مۇمكىن؟

- قىتايدا ۇلتتىڭ قايتا جاڭعىرۋىن قامتاماسىز ەتەتىن «قىتاي ارمانى» دەپ اتالاتىن ءوزىنىڭ ۇلتتىق باعدارلاماسى بار. «نۇرلى جول» – كولىكتىك ينفراقۇرىلىم مەن قايتا يندۋسترياليزاتسيالاۋ سياقتى ناقتى مىندەتتەردىڭ جۇزەگە اسىرىلۋىن قامتيتىن ۇلتتىق باعدارلاما. ال بۇل دەگەنىڭىز – جاڭا وندىرىستەر، جاڭا جۇمىس ورىندارى. سوندىقتان، تاكتيكالىق تۇرعىدا ءبىزدىڭ باعدارلامامىز دا، قىتايدىڭ قۇجاتى دا كوپ جاعدايدا ۇقساس.

- بۇگىندە قازاقستان كولىكتىك الەۋەتىن دامىتۋدى بەلسەندى جۇرگىزىپ كەلەدى. سىزدىڭشە، تاعى قانداي پەرسپەكتيۆالى جوبالاردى قولعا الۋعا بولادى؟

- پەرسپەكتيۆالى جوبالار كوپ، بىراق، ەڭ باستىسى، بىزگە قازىر ەكونوميكانىڭ ناقتى سەكتورى مەن اۋىلشارۋاشىلىعىنا كوڭىل بولگەن ءجون. اۋىلشارۋاشىلىعى بويىنشا بىزدە مىقتى باسەكەگە شىداس بەرەتىن باسىمدىق بار.

- ينفراقۇرىلىمدى ينۆەستيتسيالاۋ ازيا بانكىنىڭ ىسكە قوسىلۋىنان ءبىزدىڭ ەل قانداي پايدا كورۋى مۇمكىن؟

- بانكتىك نەسيەلەردى جەڭىلدىكپەن الىپ، ءبىزدىڭ مۇددەمىزگە ساي كەلەتىن جوبالاردى جۇزەگە اسىرۋعا مۇمكىندىك بەرەدى. قازاقستاننىڭ وسى بانكتى قۇرۋشى ەلدەردىڭ ءبىرى بولۋىنىڭ ءوزى باسىمدىق اكەلەدى.

- جىبەك جولىنىڭ ەكونوميكالىق بەلدەۋى. قازاقستان ەكونوميكاسىنىڭ وسۋىنە بۇل جوبانىڭ ىقپالى قانداي؟

- قازاقستان – گەوگرافياسى بويىنشا ءترانزيتتى مەملەكەت. ججەب شەڭبەرىندەگى بارلىق كولىك باعىتتارى ءبىزدىڭ تەرريتوريامىزبەن وتەدى. بىرىنشىدەن، قىتايدىڭ مۇددەسىن قازاقستاندىق كولىكتىك-لوگيستيكالىق ينفراقۇرىلىمدى دامىتۋ ءۇشىن پايدالانۋعا مۇمكىندىك. ەكىنشىدەن، ترانزيتتىك ءدالىز ءۇشىن اقشا. ۇشىنشىدەن، جاڭا جۇمىس ورىندارى. تورتىنشىدەن، قىتايمەن ىنتىماقتاستىق سالالارىن كەڭەيتۋ. ججەب ارقىلى تەك جول قۇرىلىسى سالاسىندا ەمەس، ەكونوميكانىڭ ناقتى سەكتورىندا دا ىنتىماقتاستىقتى ارتتىرامىز.

 

اباي-اقپارات.

0 پىكىر