ەندى قازاقستاننىڭ شالعاي اۋداندارى مەن اۋىلدارىندا ورنالاسقان تۇرعىندار ءۇشىن تۇرعىن ءۇي قۇرىلىس جيناق بانكى قىزمەتكەرلەرىنەن ارنايى جانە جەكەلەگەن كەڭەستەر الۋعا مۇمكىندىك تۋدى.

جۋىردا تۇرعىن ءۇي قۇرىلىس جيناق بانكى قىزمەتكەرلەرى قازاقستاننىڭ شالعاي ورنالاسقان ەلدى-مەكەندەرىن ارالايتىن "مەنىڭ قازاقستانىم" ارنايى پويىزىنا قاتىساتىن بولدى. "وسى رەتتە تۇقجب قزمەتكەرلەرى شالعاي جاتقان ەلدى-مەكەندەرگە، ستانتسيالار مەن مونو-قالالاردى ارالاپ، سول جەردەگى تۇرعىندارمەن كەزدەسۋلەر ۇيىمداستىرادى. "مەنىڭ قازاقستانىم" ارنايى قوعامدىق-قايىرىمدلىق پويىزى اياسىندا تۇقجب قىزمەتكەرلەرى بارلىعى 30 ەلدى-مەكەندى ارالايدى دەپ جوسپارلانۋدا. "مەنىڭ قازاقستانىم" قوعامدىق-قايىرىمدىلىق پويىزى باراتىن ءار ەلدى-مەكەندە ارنايى ورىندار بەلگىلەنگەن. سول جەرلەردە تۇرعىندارعا جالپى جانە جەكەلەگەن كەڭەستەر بەرىلىپ، ەلباسىنىڭ "قول جەتىمدى باسپانا 2020" باعدارلاماسى كەڭىنەن تۇسىندىرىلەدى", - دەيدى تۇقجب باسقارۋشى ديرەكتورى ەرۋلان جاماۋباەۆ مىرزا. سونداي-اق، بانكتىڭ توپ-مەنەدجەرى 23 ناۋرىزدا باستاۋ العان "مەنىڭ قازاقستانىم" پويىزىنىڭ ماڭىزدىلىعىن تۇسىندىرە كەلە، اتالمىش پويىزدا ەكونوميكا سالاسىنان وزگە، مينيسترلىكتەردىڭ وكىلدەرى مەن دەپۋتاتتار، ونەر مايتالماندارى مەن دارىگەرلەر، قارجى سالاسىنىڭ ماماندارى، ت.ب. الەۋمەتتىك قىزمەتكەرلەر دە بار ەكەنىن ايتقان. ء"بىزدىڭ پويىزدىڭ باعىتىندا ءبىز الىس-الىس اۋىلدارعا بارامىز. ول جەرلەردە ءبىزدىڭ بانكتىڭ بولىمشەلەرى ورنالاسپاعاندىقتان، قانداي دا ءبىر ەكونوميكالىق جاڭالىقتار ول اۋىلدارعا كەش نەمەسە مەرزىمى ءوتىپ كەتكەندە بارىپ جەتىپ جاتادى. سوندىقتان اتالمىش پويىز باراتىن شالعاي ەلدى-مەكەن تۇرعىندارىنا بانكتىڭ جۇمىسىمەن تانىستىرىپ، ەلباسىمىز نۇرسۇلتان ءابىشۇلىنىڭ "نۇرلى جولدا" ناقتىلاپ كورسەتىپ بەرگەن جاڭا ەكونوميكالىق ساياساتىن ناسيحاتتايتىن بولامىز. سونىمەن قاتار، ءبىز اۋىل تۇرعىندارىنا مەملەكەت باسشىسىنىڭ حالىقتى الەۋمەتتىك تۇرعىن ۇيلەرمەن قامتاماسىز ەتۋ تۋرالى بەرگەن تاپسىرماسىنا سايكەس، شارتتاردى حالىققا ءتۇسىندىرۋدى كوزدەپ وتىرمىز. سونداي-اق، اكتسيا اياسىندا اۋىل تۇرعىندارى ءتۇرلى الەۋمەتتىك قىزمەت ماماندارىنان كەڭەستەر الا الادى. اكتسيانىڭ نەگىزگى ءمانى دە وسىندا جاتىر", - دەيدى جاماۋباەۆ مىرزا. پويىز قازىردىڭ وزىندە تايىنشا، اتباسار، حرومتاۋ، بەينەۋ، تۇركىستان جانە سارىاعاشتا بولىپ، حالىقپەن كەزدەسۋلەر ۇيىمداستىرىپ ۇلگەرگەن. ناتيجەسىندە ءبىز جوعارىدا اتاپ وتكەن قىزمەت تۇرلەرىنە جۇگىنىپ، قول جەتىمدى باسپانا باعدارلاماسى بويىنشا ت.ب. سۇراقتارىنا جۇزدەگەن ادام تولىققاندى جاۋاپ الدى. "مەنىڭ قازاقستانىم" پويىزىنىڭ كەلەسى باعىتى لۋگوۆوي، شۋ، سارىوزەك اۋىلى، ۇشتوبە، اياگوز، لەنينوگورسك، سەمەي، ەكىباستۇز، تەمىرتاۋ، جەزقازعان بولماق. اتالمىش جەرلەردە مەكەن ەتەتىن تۇرعىندار ءۇشىن ءتۇرلى بۇل تاپتىرماس مۇمكىندىك بولارى ءسوزسىز. ال پويىز 24 ءساۋىر كۇنى استاناعا قايتا ورالادى. ايتا كەتۋ كەرەك، "مەنىڭ قازاقستانىم" پويىزى قازاقستان حالقى اسسامبلەياسى جىلىنا، ەكىنشى دۇنيەجۇزىلىك سوعىستىڭ 70 جىلدىعىنا جانە كونستيتۋتسيانىڭ 20 جىلدىعىنا ارنالىپ وتىر.

اباي-اقپارات