- قازىر سايلاۋ ناۋقانى باستالىپ تا كەتتى. كەزەكتەن تىس پرەزيدەنتتىك سايلاۋ تۋرالى باستامانى دا نەگىزىنەن ايەلدەر قاۋىمى قولدادى. مەن كۇن سايىن مىڭداعان حاتتار الىپ جاتىرمىن. بۇگىنگى ەرتەڭگىسىن ۇستەلىمدە ءبىر قۇشاق حاتتار كەلدى. ولاردىڭ بارلىعى سايلاۋدى قولداپ، مەنەن ءوز كانديداتۋرامدى ۇسىنۋدى سۇراپ جاتىر.

مەنىڭ جەكە جوسپارىم مۇلدەم باسقا بولاتىن، شىنىمدى ايتايىن. قازاقستاندى جىلدار بويى باسقارىپ كەلەمىن، تاۋەلسىزدىكتىڭ العاشقى جىلىنان مەملەكەتتى قالىپتاستىرىپ، قۇردىق. بالكىم، تەاتردا ايتاتىنداي، دەكوراتسيانى وزگەرتەتىن دە كەز جەتكەن شىعار. سينگاپۋردىڭ نەگىزىن قالاۋشى لي كۋان يۋ بيلىكتەن كەتكەندە مەن ودان نەگە كەتتىڭىز دەپ سۇراعانمىن. ول سوڭعى ۋاقىتتا تەلەديداردان ءوزىن كورۋ ۇناماي كەتكەنىن ايتقان ەدى. مەندە دە باسقا جوسپارلار بولعان. الايدا، بۇكىلحالىقتىق تىلەكتەر، ەلدىڭ نيەتى، جۇرتتىڭ قالاۋى بار، ونى دا ەسكەرۋ قاجەت. سوندىقتان دا، سىزدەرمەن الداعى جوسپارىمدى، قادامىمدى اقىلداسۋعا دا بولادى دەپ ويلايمىن، - دەدى ەلباسى بۇگىن نۇرسۇلتان نازارباەۆ حالىقارالىق ايەلدەر كۇنى قارساڭىندا اقوردادا وتكەن قازاقستان ايەلدەر قاۋىمى وكىلدەرىمەن «كوكتەم شۋاعى» اتتى كەزدەسۋى بارىسىندا.

Abai.kz