فوتو uralskweek.kz

بۇقارالىق اقپارات قۇرالدارىنا بەرگەن سۇحباتىندا «تابيعات» قوزعالىسىنىڭ جەتەكشىسى، ەكى مارتە پرەزيدەنتتىككە ۇمىتكەر مەلس ەلەۋسىزوۆ الداعى بولاتىن پرەزيدەنت سايلاۋىنا ءۇشىنشى رەت قاتىساتىنى تۋرالى ءمالىم ەتتى.

«مەن الداعى سايلاۋعا تاعى دا قاتىسامىن. ەكى رەت قاتىستىم، ءۇشىنشى رەت نەگە قاتىسپاسقا؟ كىم ماعان قوي دەي الادى؟ بۇل مەنىڭ كونستيتۋتسيالىق قۇقىم. دەنساۋلىعىم جەتەدى»، - دەپ مالىمدەدى مەلس مىرزا.

«سايلاۋعا نەگە، نە ءۇشىن قاتىساسىز؟» دەگەن سۇراققا مەلس مىرزا: «سايلاۋ ناۋقانى كەزىندە كايف بولىپ جۇرەمىن. اۋزىما كەلگەندى ايتا الامىن. ناۋقان كەزىندە مەنى ەشكىم تۇتقىنداي المايدى، وتىرعىزبايدى. مەن تولىقتاي قورعالعانمىن»، - دەپ اعىنان جارىلدى.

وسىعان دەيىن م.ەلەۋسىزوۆ مىرزا ەكى رەت پرەزيدەنت سايلاۋىنا قاتىسقان بولاتىن. 2005 جىلى بۇل كىسى سايلاۋشىلاردىڭ 0,38 پايىزىنىڭ داۋىسىنا يە بولسى، 2011 جىلعى سايلاۋدا 1,15 پايىز داۋىس جينادى.

نە دەيىك؟ دەنساۋلىق بەرسىن، م.ەلەۋسىزوۆكە. ءاربىر ناۋقاندا ءبىر پايىزدان داۋىس جيناي بەرسە، شامامەن 250 جىلدان كەيىن پرەزيدەنت بولۋىنا تولىق مۇمكىندىك بار...

Abai.kz