پەتەربور مەتروسىندا جارىلىس بولدى، دەپ حابارلايدى "اباي اقپارات" پورتالى.

پەتەربور مەتروسىندا جارىلىس بولعان ۋاقىتتا رف پرەزيدەنتى ۆلاديمير پۋتين پەتەربوردا بولعان. ول مەديا فورۋمعا قاتىسقان. وقيعا ورنىنا بارماق بولعان ءپۋتيندى رف فەدەرالدى قاۋىپسىزدىك قىزمەتى مەتروعا تۇسىرمەگەن.

ءپۋتيننىڭ مەتروعا بارۋىنا بەلورۋسسيا پرەزيدەنتى الەكساندر لۋكاشەنكو دا قارسى بولعان.

پەتەربور قالاسىنىڭ «سەننايا پلوششاد» جانە «تەحنولوگيچەسكي ۋنيۆەرسيتەت» مەترولارىندا جارىلىس بولدى.

«ريا نوۆوستي» دەرەكتەرىنە سۇيەنسەك، جارىلىستان 50-دان استام ادام زارداپ شەككەن.

تاسس تاراتقان اقپاراتتارعا قۇلاق تۇرسەك،  قازا تاپتاندار سانى 10 ادامعا جەتتى.

جارىسىل ماسكەۋ ۋاقىتى بويىنشا 14:30 شاماسىندا بولعان. قازىر پەتەربور پروكۋراتۋراسى ءىستى تەكسەرۋدى باستادى.

رەسەي پرەزيدەنتى جارىلىستا قازا تاپقانداردىڭ وتباسىنا كوڭىل ايتتى. پەتەربورداعى شەتىن وقيعا ءالى تەراكت دەپ مويىندالعان جوق.

وقيعا ورنىنا كەلگەن قۇتقارۋ قىزمەتىنىڭ ماماندارى تاراتقان اقپاراتتارعا سۇيەنسەك، مەترودا قولدان جاسالعان بومبا جارىلعان.

Abai.kz