نازارباەۆ پۋتينگە كوڭىل ايتۋ جەدەلحاتىن جولدادى
قازاقستان پرەزيدەنتى سانكت-پەتەربۋرگ قالاسى مەتروسىنداعى جارىلىس سالدارىنان ادامداردىڭ قازا بولعانى تۋرالى حاباردى زور كۇيزەلىسپەن قابىلدادى، دەپ حابارلايدى اقوردانىڭ ءباسپاسوز قىزمەتى.
«بۇل وقيعا قابىرعامىزدى قايىستىردى، رەسەي فەدەراتسياسى حالقىنىڭ اۋىر قايعىسىنا شىن نيەتىمىزبەن ورتاقتاستىعىمىزدى بىلدىرەمىز»، – دەلىنگەن جەدەلحاتتا.
مەملەكەت باسشىسى قازا بولعانداردىڭ تۋىستارى مەن جاقىندارىنا بارشا قازاقستان حالقىنىڭ جانە جەكە ءوزىنىڭ اتىنان كوڭىل ايتتى، سونداي-اق زارداپ شەككەندەردىڭ تەزىرەك ساۋىعىپ، وتباسىلارىنا ورالۋىنا تىلەكتەستىك ءبىلدىردى.
اباي-اقپارات
