وتكەن دەمالىس كۇندەرى “جاڭاجول” كەدەن بەكەتىندە ەكونوميكالىق كونتراباندانىڭ بىرنەشە  فاكتىسى اشكەرەلەندى. 
كەدەنشىلەردىڭ قولىنا تۇسكەندەردىڭ ءبىرى تىركەمەسى بار  “Renault Magnum” ماركالى جۇك اۆتوكولىگىنىڭ جۇرگىزۋشىسى 600 مىڭ رۋبل جاسىرىپ، ونى رەسەيدىڭ سانكت-پەتەربۋرگ قالاسىنا زاڭسىز تۇردە الىپ وتپەكشى بولعان.
بۇدان باسقا، قاراعاندى قالاسىنان بەت العان ازاماتتى ءتىنتۋ بارىسىندا ودان دا دەكلاراتسيالانباعان 80,6 مىڭ رەسەي ءرۋبلىن انىقتاعان.
ءدال وسى كۇنى كەدەن بەكەتىندە وسىعان ۇقساس تاعى ءبىر زاڭسىز ءىس-ارەكەتتىڭ بەتى اشىلدى. ايلاسىن ىسكە اسىرا الماي قالعان جۇك اۆتوكولىگىنىڭ يەسى دە قاراعاندى قالاسىنان ەكەن. ونىڭ شەكارادان زاڭسىز الىپ وتپەكشى بولعان 600 مىڭ رۋبل قارجىسى دا كولىكتىڭ موتورىنا جاقسىلاپ جاسىرىلعان.
جەكسەنبى كۇنى كەدەن بەكەتىندە تىركەمەلى “Mersedes Benz” ماركالى اۆتوكولىگىنىڭ جۇرگىزۋشىسى قۇرىقتالادى. گەرمانيا ازاماتى الماتىدان گامبۋرگ قالاسىنا بەت العان. جولاۋشىلار كەدەن دەكلاراتسياسىن تولتىرعان سوڭ، جەكە تەكسەرۋ كەزىندە ونىڭ قارا پاپكاسىنىڭ ىشىندە رەسىمدەلگەن 30 مىڭ رەسەي رۋبل، 700 دوللار مەن 510 ەۆرو قارجىسىنان باسقا دەكلاراتسيادا كورسەتىلمەگەن 12 مىڭ ەۆرو اقشاسى جاسىرىلعانىن انىقتادى.

وتكەن دەمالىس كۇندەرى “جاڭاجول” كەدەن بەكەتىندە ەكونوميكالىق كونتراباندانىڭ بىرنەشە  فاكتىسى اشكەرەلەندى. 
كەدەنشىلەردىڭ قولىنا تۇسكەندەردىڭ ءبىرى تىركەمەسى بار  “Renault Magnum” ماركالى جۇك اۆتوكولىگىنىڭ جۇرگىزۋشىسى 600 مىڭ رۋبل جاسىرىپ، ونى رەسەيدىڭ سانكت-پەتەربۋرگ قالاسىنا زاڭسىز تۇردە الىپ وتپەكشى بولعان.
بۇدان باسقا، قاراعاندى قالاسىنان بەت العان ازاماتتى ءتىنتۋ بارىسىندا ودان دا دەكلاراتسيالانباعان 80,6 مىڭ رەسەي ءرۋبلىن انىقتاعان.
ءدال وسى كۇنى كەدەن بەكەتىندە وسىعان ۇقساس تاعى ءبىر زاڭسىز ءىس-ارەكەتتىڭ بەتى اشىلدى. ايلاسىن ىسكە اسىرا الماي قالعان جۇك اۆتوكولىگىنىڭ يەسى دە قاراعاندى قالاسىنان ەكەن. ونىڭ شەكارادان زاڭسىز الىپ وتپەكشى بولعان 600 مىڭ رۋبل قارجىسى دا كولىكتىڭ موتورىنا جاقسىلاپ جاسىرىلعان.
جەكسەنبى كۇنى كەدەن بەكەتىندە تىركەمەلى “Mersedes Benz” ماركالى اۆتوكولىگىنىڭ جۇرگىزۋشىسى قۇرىقتالادى. گەرمانيا ازاماتى الماتىدان گامبۋرگ قالاسىنا بەت العان. جولاۋشىلار كەدەن دەكلاراتسياسىن تولتىرعان سوڭ، جەكە تەكسەرۋ كەزىندە ونىڭ قارا پاپكاسىنىڭ ىشىندە رەسىمدەلگەن 30 مىڭ رەسەي رۋبل، 700 دوللار مەن 510 ەۆرو قارجىسىنان باسقا دەكلاراتسيادا كورسەتىلمەگەن 12 مىڭ ەۆرو اقشاسى جاسىرىلعانىن انىقتادى.
“ۆاليۋتالىق رەتتەۋ جانە ۆاليۋتالىق باقىلاۋ تۋرالى” قر زاڭىنىڭ 2 بابىنا سايكەس، جەكە تۇلعالاردىڭ رەسپۋبليكا اۋماعىنا كىرگىزىلەتىن نەمەسە ودان شىعارىلاتىن كولەمى 3 مىڭ اقش دوللارىنان اساتىن ۇلتتىق نەمەسە شەتەل ۆاليۋتاسى مىندەتتى تۇردە كەدەندە رەسىمدەلۋى ءتيىس. دەمالىس كۇندەرىندە كەدەنشىلەر وسىنداي تالاپتان جالتارعان ادامداردان بارلىعى 8,5 ميلليون تەڭگە قارجىنى تاركىلەدى.
بۇگىنگى كۇنى جوعارىدا اتالعان ازاماتتار قىلمىستىق جاۋاپكەرشىلىككە تارتىلىپ وتىر.
جىل باسىنان بەرى وبلىستىق كەدەندىك باقىلاۋ دەپارتامەنتىندە 28 قىلمىستىق ءىس قوزعالدى. تاركىلەنگەن تاۋار مەن قارجى 84 ميلليون تەڭگەگە باعالاندى.

سولتۇستىك قازاقستان وبلىسى