قر ءبىلىم جانە عىلىم ءمينيسترى باقىتجان جۇماعۇلوۆتىڭ نازارىنا!

جاقىنعى كۇندەردەن بەرى قاراي الماتى قالاسىنىڭ م.اۋەزوۆ جانە الاتاۋ اۋداندارىنا قاراستى مەكتەپتەرگە وقۋعا ءوتىنىش بىلدىرگەن ورالمان بالالارى بارعان مەكتەپتەرىنىڭ قابىلداماي جاتقاندىعى جايىندا رەداكتسيامىزعا ءجيى تەلەفون شالۋدا.

وسى ورايدا تىلشىلەرىمىز اتالعان اۋداندارداعى مەكتەپتەرگە باس سۇعىپ، ماسەلەنىڭ ءمان-جايىن سۇراعان ەدى. ءبارى دە ۋاعدالاسقانداي اۋداندىق وقۋ بولىمدەرىنىڭ نۇسقاۋىن ەكى ەتپەيتىنىن، ونىڭ نەگىزى - قر ءبىلىم جانە عىلىم مينسترلىگىنە قاتىستى قۇجاتتارى ەكەنىن ايتقان.

شىندىعىندا دا مەكتەپ ديرەكتورلارىنىڭ شىر-پىر بولعانىنداي، كىنالى ولار ەمەس، جوعارىدان تۇسكەن قۇجاتتار ەكەن.

بۇگىنگى كۇندەگى قازاق كوشىنىڭ سايابىرسي باستاعانىنا قابىرعامىز قايىسىپ، الىستاعى اعايىندى قالاي كوشىرىپ الامىز دەپ الاڭداپ جۇرگەنىمىزدە، جات جۇرتتاعى جاۋتاڭكوزدىكتەن قاشقانداي بولىپ ازەر جەتكەن بالاپاندارىمىزدىڭ باسىنان سيپاتپاي وتىرعان قانداي قۇجات؟ ونى كىم شىعاردى؟ اتقارۋعا يتەرمەلەپ وتىرعان كىم؟ قازاقتىڭ ۇل-قىزىنا قايىرىمسىزدىقپەن قارايتىن بەزبۇيرەكتەردىڭ ارامىزدا ءالى دە ءومىر ءسۇرىپ جۇرگەنى مە؟! وسى ساۋالدار ۇيقىمىزدى قاشىردى. ىشكەنىمىز ءىرىڭ، جەگەنىمىز جەلىم بولدى. قازاق بالاسى، تاعدىرى تارىداي شاشىلعان ەلدىڭ تام-تۇمداپ جينالىپ جاتقان جاس وسكىنى جىلاپ جاتسا ءداتىڭ قالاي شىداسىن!؟

قر ءبىلىم جانە عىلىم ءمينيسترى باقىتجان جۇماعۇلوۆتىڭ نازارىنا!

جاقىنعى كۇندەردەن بەرى قاراي الماتى قالاسىنىڭ م.اۋەزوۆ جانە الاتاۋ اۋداندارىنا قاراستى مەكتەپتەرگە وقۋعا ءوتىنىش بىلدىرگەن ورالمان بالالارى بارعان مەكتەپتەرىنىڭ قابىلداماي جاتقاندىعى جايىندا رەداكتسيامىزعا ءجيى تەلەفون شالۋدا.

وسى ورايدا تىلشىلەرىمىز اتالعان اۋداندارداعى مەكتەپتەرگە باس سۇعىپ، ماسەلەنىڭ ءمان-جايىن سۇراعان ەدى. ءبارى دە ۋاعدالاسقانداي اۋداندىق وقۋ بولىمدەرىنىڭ نۇسقاۋىن ەكى ەتپەيتىنىن، ونىڭ نەگىزى - قر ءبىلىم جانە عىلىم مينسترلىگىنە قاتىستى قۇجاتتارى ەكەنىن ايتقان.

شىندىعىندا دا مەكتەپ ديرەكتورلارىنىڭ شىر-پىر بولعانىنداي، كىنالى ولار ەمەس، جوعارىدان تۇسكەن قۇجاتتار ەكەن.

بۇگىنگى كۇندەگى قازاق كوشىنىڭ سايابىرسي باستاعانىنا قابىرعامىز قايىسىپ، الىستاعى اعايىندى قالاي كوشىرىپ الامىز دەپ الاڭداپ جۇرگەنىمىزدە، جات جۇرتتاعى جاۋتاڭكوزدىكتەن قاشقانداي بولىپ ازەر جەتكەن بالاپاندارىمىزدىڭ باسىنان سيپاتپاي وتىرعان قانداي قۇجات؟ ونى كىم شىعاردى؟ اتقارۋعا يتەرمەلەپ وتىرعان كىم؟ قازاقتىڭ ۇل-قىزىنا قايىرىمسىزدىقپەن قارايتىن بەزبۇيرەكتەردىڭ ارامىزدا ءالى دە ءومىر ءسۇرىپ جۇرگەنى مە؟! وسى ساۋالدار ۇيقىمىزدى قاشىردى. ىشكەنىمىز ءىرىڭ، جەگەنىمىز جەلىم بولدى. قازاق بالاسى، تاعدىرى تارىداي شاشىلعان ەلدىڭ تام-تۇمداپ جينالىپ جاتقان جاس وسكىنى جىلاپ جاتسا ءداتىڭ قالاي شىداسىن!؟

شىبىن جانىمىز شىر­قىراپ، اۋزىمىزعا قۇس تىستەپ، جان العىش جابىرەيىلدىڭ ەسىمىن^­­دەي سۋىق ەستىلگەن «سۇم» قۇجاتتى ىزدەدىك.

الماتى قالاسىنىڭ م.اۋەزوۆ اۋداندىق اكىمىنىڭ ورىنباسارى سايفەدەنوۆ سايرانعا، اۋداندىق ءبىلىم ءبولىمىنىڭ باس مامانى گۇلسارا تىلەۋمۇحانقىزىنا جولىقتىق. ماسەلەنىڭ ءتۇپ توركىنى اكىمدە دە، ديرەكتورلاردا ەمەس، ولاردى قىسقان پروكۋروردىڭ وكتەمدىگىنەن تۋىپتى. اتالعان الماتى قالالىق جانە اۋەزوۆ اۋداندىق پروكۋراتۋرانىڭ قولىنا كوتەرگەنى باياعى سول قر ءبىلىم جانە عىلىم مينسترلىگىنىڭ قۇجاتتارى ەكەن.

ۇلارداي شۋلاتقان اتالمىش قۇجات مينيسترلىكتىڭ 2007 جىلعى 27 جەلتوقسانداعى №659 بۇيرىعىمەن بەكىتىلگەن ەكەن. قۇجاتتىڭ «شەتەلدىكتەردى جانە ازاماتتىعى جوق تۇلعالاردى وقىتۋدى ۇيىمداستىرۋ ءتارتىبى» اتالعان ءبولىمى بار پالەنىڭ باسى بولىپتى. ءسويتىپ ەندىگى جەردە شەتتەن كەلگەن ەندىرمە دە، الىستان ارىپ-اشىپ كەلگەن قانداستارىمىزدىڭ ۇل-قىزدارى دا ءبىر شىبىقپەن شىقپىرتا ايدالىپ، تالاي باۋىرىمىزدىڭ كوز جاسى كول بولىپتى.

بۇل ءۇردىس تەك قانا اۋەزوۆ اۋدانى بويىنشا نەمەسە الماتى قالاسى بويىنشا ەمەس، ەل بويىنشا ەتەك العان كورىنەدى.

م.اۋەزوۆ اۋداندىق ءبىلىم ءبولىمىنىڭ باس مامانى گۇلسارا تىلەۋمۇحانقىزىنىڭ ايتۋىنشا پروكۋراتۋرا ورگانىنىڭ قاتاڭ تەكسەرۋىمەن وسى اۋداننىڭ ءوز ىشىنەن ءبىر اي ىشىندە 69 شەتەلدىك بالا وقۋدان شىعارىلىپتى. ونىڭ ءبىرازى ءوز قانداستارىمىز ەكەن. شەتتەن كەلگەن قاازق بالالارى ءوزىنىڭ تۇراقتى تىركەۋى نەمەسە سول ارقىلى قولعا كەلەتىن ورالمان كۋالىگىن الۋ ءۇشىن كەم دەگەندە 2-3 اي جۇگىرەدى ەكەن. دەمەك، الگى وقۋدان شىققان بالالار ءالى مەكتەپكە كىرە الماي ءجۇر. نەمەسە كەلگەن ەلىنە قايتىپ كەتۋگە ءماجبۇر بولۋدا دەگەن ءسوز. «بۇنىڭ بارىنە كىنالى كىم؟» دەگەن ساۋالىمىزعا گۇلسارا حانىم اسپان جاققا ساۋساعىن شوشايتىپ: «جوعارى جاقتان، جوعارى جاقتان شىعارىلعان زاڭ قالاي بولادى، ءبىز سونى اتقاۋرۋشىلار عانامىز. الدىمىزعا كوز جاسى كول بولعان تالاي قازاق كەلدى. ءبىزدىڭ ولارمەن بىرگە قوسىلا جىلاعانننان باسقا دارمەنىمىز جوق» -دەيدى.

ەندەشە سولقىلداق زاڭدار­دىڭ سورلاتۋىمەن قانشا قاازقتىڭ كوز جاسى قۇرعاماي جۇرگەنىن ءبىر اللا بىلەدى.

قر ءبىلىم جانە عىلىم مينسترلىگىنىڭ تىزگىنىن ۇستاپ وتىرعان ازاماتتار شەشپەسە شەشىلمەيتىن وسى ءتۇيىن ءبىزدىڭ كوكىرەگىمىزگە دە كوپ بۇلت ءۇيىردى. الىستان كەلگەن اعايىننىڭ بالاسىن باۋرىمىزعا تارتا الماساق ەلدىگىمىز قايسى؟!

"جاس قازاق ءۇنى" گازەتى